- Aǵymdaǵy jyldyń qorytyndysynda biýdjetten bólingen 7,5 mlrd. teńge igerilmeidi. Bul týraly búgin Úkimettiń selektorlyq rejimdegi otyrysynda QR Qarjy ministri Baqyt Sultanov málim etti, dep habarlaidy Ult.kz tilshisi QazAqparat agenttigine silteme jasap.
«Ákimshiler 129 mlrd. teńgeniń oryndalýynyń múmkin emestigi týraly málimdedi. Bul rette, atqarylmaýdyń jalpy somasynyń 90 paiyzynan astamy Úkimettiń paidalanylmaityn rezervine (90 mlrd. teńge) jáne biýdjettik zańnama boiynsha igerilmegen bolyp tabylatyn únemdeýge (32 mlrd. teńge) tiesili. Igerilmeý 7,5 mlrd. teńgeni quraidy. Bul shamamen ótken jyldyń deńgeiindegidei (7,8 mlrd. teńge)», - dedi Sultanov.
Onyń derekterine sáikes, Syrtqy ister ministrligi 2,8 mlrd.teńge, Ishki ister ministrligi 1 mlrd. teńge, Densaýlyq saqtaý jáne áleýmettik damý ministrligi 1,2 mlrd. teńge, Bilim jáne ǵylym ministrligi 0,6 mlrd.teńge qarjyny igere almaidy.
«2016 jylǵa arnalǵan respýblikalyq biýdjetti naqtylaǵan kezde qosymsha bólingen qarajat boiynsha 2,3 mlrd. teńge somasynda qarajattyń igerilmeýi kútiledi», - dep atap ótti ministr.
Bul rette atalǵan qarjynyń 1,9 mlrd.teńgesin Syrtqy ister ministrligi, 248,9 mln.teńgesin Bas prokýratýra jáne 90 mln. teńgesin Ishki ister ministrligi igere almaidy.
.jpeg)