بيۋدجەتتەن بٶلٸنگەن قارجىنى يگەرە المايتىن مينيسترلٸكتەر بەلگٸلٸ بولدى

- اعىمداعى جىلدىڭ قورىتىندىسىندا بيۋدجەتتەن بٶلٸنگەن 7,5 ملرد. تەڭگە يگەرٸلمەيدٸ. بۇل تۋرالى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا قر قارجى مينيسترٸ باقىت سۇلتانوۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.

«ەكٸمشٸلەر 129 ملرد. تەڭگەنٸڭ ورىندالۋىنىڭ مٷمكٸن ەمەستٸگٸ تۋرالى مەلٸمدەدٸ. بۇل رەتتە, اتقارىلماۋدىڭ جالپى سوماسىنىڭ 90 پايىزىنان استامى ٷكٸمەتتٸڭ پايدالانىلمايتىن رەزەرۆٸنە (90 ملرد. تەڭگە) جەنە بيۋدجەتتٸك زاڭناما بويىنشا يگەرٸلمەگەن بولىپ تابىلاتىن ٷنەمدەۋگە (32 ملرد. تەڭگە) تيەسٸلٸ. يگەرٸلمەۋ 7,5 ملرد. تەڭگەنٸ قۇرايدى. بۇل شامامەن ٶتكەن جىلدىڭ دەڭگەيٸندەگٸدەي (7,8 ملرد. تەڭگە)», - دەدٸ سۇلتانوۆ.

ونىڭ دەرەكتەرٸنە سەيكەس, سىرتقى ٸستەر مينيسترلٸگٸ 2,8 ملرد.تەڭگە, ٸشكٸ ٸستەر مينيسترلٸگٸ  1 ملرد. تەڭگە, دەنساۋلىق ساقتاۋ جەنە ەلەۋمەتتٸك دامۋ مينيسترلٸگٸ  1,2 ملرد. تەڭگە, بٸلٸم جەنە عىلىم مينيسترلٸگٸ  0,6 ملرد.تەڭگە قارجىنى يگەرە المايدى.

«2016 جىلعا ارنالعان رەسپۋبليكالىق بيۋدجەتتٸ ناقتىلاعان كەزدە قوسىمشا بٶلٸنگەن قاراجات بويىنشا 2,3 ملرد. تەڭگە سوماسىندا قاراجاتتىڭ يگەرٸلمەۋٸ كٷتٸلەدٸ», - دەپ اتاپ ٶتتٸ مينيستر.

بۇل رەتتە اتالعان قارجىنىڭ 1,9 ملرد.تەڭگەسٸن سىرتقى ٸستەر مينيسترلٸگٸ, 248,9 ملن.تەڭگەسٸن باس پروكۋراتۋرا جەنە 90 ملن. تەڭگەسٸن ٸشكٸ ٸستەر مينيسترلٸگٸ يگەرە المايدى.