Qazaqstanda byltyr memlekettik biýdjet kiristeri boiynsha jospar 102,4%, respýblikalyq biýdjet 100,1%, al jergilikti biýdjet 108% oryndaldy. QR Qarjy ministrligi Memlekettik kirister komitetiniń tóraǵasy Marat Sultanǵaziev Ortalyq kommýnikatsiialar alańyndaǵy baspasóz máslihaty barysynda osylai dedi, dep habarlaidy QazAqparat.
Komitet basshysynyń aitýynsha, 2019 jylǵa qaraǵanda vedomstvo quzyretindegi memlekettik biýdjettiń kiristeri pandemiiaǵa qaramastan is júzinde burynǵy deńgeide qalǵan. Al respýblikalyq biýdjet 608 mlrd teńgege tómendese, jergilikti biýdjet 604 mlrd teńgege ósken.
«Respýblikalyq deńgeidegi túsimderdiń tómendeýi ekonomikadaǵy qalyptasqan jaǵdaiǵa, sondai-aq pandemiiaǵa qatysty shekteýlerge bailanysty bolyp otyr», - dedi Marat Sultanǵaziev.
Komitet tóraǵasy aldyn ala derekter boiynsha jalpy ishki ónim 2,6%, taýar ainalymy 14% tómendegenin de qosty. Ótkizý boiynsha ainalym 9,7%, onyń ishinde iri kásiporyndar boiynsha 25% azaiǵan.
