2020 jyly KVI taqyryby boiynsha buqaralyq aqparat quraldarynda 274 myń material jaryq kórdi. Bul týraly Aqparat jáne qoǵamdyq damý vitse-ministri Kemelbek Oishybaev málim etti, dep habarlaidy QazAqparat.
«2020 jyldyń qorytyndysy boiynsha elimizde koronavirýstyq infektsiiamen kúresý jumystary aqparattyq kún tártibiniń basty taqyryby boldy. Jalpy, barlyq memlekettik organdar qyzmetin tolyq aqparattandyrý maqsatynda ministrlik 2020 jylǵa arnalǵan «Jasampazdyqqa toly jyldar» respýblikalyq mediajosparyn ázirlep, jyl basynda Úkimettiń otyrysynda bekitken. Onyń negizgi baǵyttary – Táýelsizdigimizdiń 30 jyldyǵy, «Rýhani jańǵyrý» baǵdarlamasyn iske asyrý jáne volonterler júiesiniń damýy bolǵan. Biraq, koronavirýsqa bailanysty naýryz-mamyr ailarynda Qazaqstanda tótenshe jaǵdai jariialanǵanda COVID-19-ǵa qatysty jasalyp jatqan isterdi halyqqa tez jetkizý maqsatynda Úkimettiń sheshimimen respýblikalyq kommýnikatsiialyq ortalyq quryldy. Onyń jumysyna bizdiń ministrlikpen qatar Densaýlyq saqtaý ministrliginiń ókilderi de belsendi qatysyp keledi», - dedi Kemelbek Oishybaev.
Sonymen qatar ol naýryz aiynda coronavirus2020.kz iske qosylǵanyn eske saldy. Ol statistikalyq málimetter, infografikalyq, saraptamalyq materialdarmen tolyqtyrylyp otyr. Saitqa kúnine 100 myńnan astam adam kirip kóredi. Telegram messendjerinde coronavirus2020 atty resmi kanal iske qosyldy, oǵan qazirgi ýaqytta 300 myńnan astam oqyrman tirkelgen.
«Shilde aiynda stopfake.kz saityn iske qostyq. Ol BAQ-ta, áleýmettik jelilerde, messendjerlerde taralyp jatqan aqparattardy anyqtap, feik ekenin málimdep, halyqqa túsindirý jumystaryn júrgizedi. Qazirge deiin 450-ge jýyq materialdyń jalǵan ekeni dáleldenip, qoǵamǵa jetkizildi», - dedi vitse-ministr.
Munymen qosa ol tótenshe jaǵdai kezinde Ortalyq kommýnikatsiialar qyzmeti eldegi basty aqparat alańyna ainalǵanyn, onlain rejimde 200-ge jýyq brifing ótkizilgen málim etti.
«Barlyq telearnalarda kóptegen baǵdarlamalar koronavirýs taqyrybyna baǵyttaldy. KVI-diń aldyn alý taqyryby boiynsha 250-den astam beinerolik daiyndaldy, respýblikalyq BAQ-ta 5 myńnan astam infografika men telegrafika jariialandy. Osylaisha, ministrlik memleket tarapynan qabyldanǵan daǵdarysqa qarsy sharalar týraly aqparattandyrý boiynsha aýqymdy jumys júrgizdi», - dep toqtaldy Kemelbek Oishybaev.
Onyń aitýynsha, 2020 jyly KVI taqyryby boiynsha buqaralyq aqparat quraldarynda 274 myń material jaryq kórgen.
