2020 جىلى كۆي تاقىرىبى بويىنشا بۇقارالىق اقپارات قۇرالدارىندا 274 مىڭ ماتەريال جارىق كٶردٸ. بۇل تۋرالى اقپارات جەنە قوعامدىق دامۋ ۆيتسە-مينيسترٸ كەمەلبەك ويشىباەۆ مەلٸم ەتتٸ, دەپ حابارلايدى قازاقپارات.
«2020 جىلدىڭ قورىتىندىسى بويىنشا ەلٸمٸزدە كوروناۆيرۋستىق ينفەكتسييامەن كٷرەسۋ جۇمىستارى اقپاراتتىق كٷن تەرتٸبٸنٸڭ باستى تاقىرىبى بولدى. جالپى, بارلىق مەملەكەتتٸك ورگاندار قىزمەتٸن تولىق اقپاراتتاندىرۋ ماقساتىندا مينيسترلٸك 2020 جىلعا ارنالعان «جاسامپازدىققا تولى جىلدار» رەسپۋبليكالىق مەدياجوسپارىن ەزٸرلەپ, جىل باسىندا ٷكٸمەتتٸڭ وتىرىسىندا بەكٸتكەن. ونىڭ نەگٸزگٸ باعىتتارى – تەۋەلسٸزدٸگٸمٸزدٸڭ 30 جىلدىعى, «رۋحاني جاڭعىرۋ» باعدارلاماسىن ٸسكە اسىرۋ جەنە ۆولونتەرلەر جٷيەسٸنٸڭ دامۋى بولعان. بٸراق, كوروناۆيرۋسقا بايلانىستى ناۋرىز-مامىر ايلارىندا قازاقستاندا تٶتەنشە جاعداي جارييالانعاندا COVID-19-عا قاتىستى جاسالىپ جاتقان ٸستەردٸ حالىققا تەز جەتكٸزۋ ماقساتىندا ٷكٸمەتتٸڭ شەشٸمٸمەن رەسپۋبليكالىق كوممۋنيكاتسييالىق ورتالىق قۇرىلدى. ونىڭ جۇمىسىنا بٸزدٸڭ مينيسترلٸكپەن قاتار دەنساۋلىق ساقتاۋ مينيسترلٸگٸنٸڭ ٶكٸلدەرٸ دە بەلسەندٸ قاتىسىپ كەلەدٸ», - دەدٸ كەمەلبەك ويشىباەۆ.
سونىمەن قاتار ول ناۋرىز ايىندا coronavirus2020.kz ٸسكە قوسىلعانىن ەسكە سالدى. ول ستاتيستيكالىق مەلٸمەتتەر, ينفوگرافيكالىق, ساراپتامالىق ماتەريالدارمەن تولىقتىرىلىپ وتىر. سايتقا كٷنٸنە 100 مىڭنان استام ادام كٸرٸپ كٶرەدٸ. تەلەگرام مەسسەندجەرٸندە coronavirus2020 اتتى رەسمي كانال ٸسكە قوسىلدى, وعان قازٸرگٸ ۋاقىتتا 300 مىڭنان استام وقىرمان تٸركەلگەن.
«شٸلدە ايىندا stopfake.kz سايتىن ٸسكە قوستىق. ول باق-تا, ەلەۋمەتتٸك جەلٸلەردە, مەسسەندجەرلەردە تارالىپ جاتقان اقپاراتتاردى انىقتاپ, فەيك ەكەنٸن مەلٸمدەپ, حالىققا تٷسٸندٸرۋ جۇمىستارىن جٷرگٸزەدٸ. قازٸرگە دەيٸن 450-گە جۋىق ماتەريالدىڭ جالعان ەكەنٸ دەلەلدەنٸپ, قوعامعا جەتكٸزٸلدٸ», - دەدٸ ۆيتسە-مينيستر.
مۇنىمەن قوسا ول تٶتەنشە جاعداي كەزٸندە ورتالىق كوممۋنيكاتسييالار قىزمەتٸ ەلدەگٸ باستى اقپارات الاڭىنا اينالعانىن, ونلاين رەجيمدە 200-گە جۋىق بريفينگ ٶتكٸزٸلگەن مەلٸم ەتتٸ.
«بارلىق تەلەارنالاردا كٶپتەگەن باعدارلامالار كوروناۆيرۋس تاقىرىبىنا باعىتتالدى. كۆي-دٸڭ الدىن الۋ تاقىرىبى بويىنشا 250-دەن استام بەينەروليك دايىندالدى, رەسپۋبليكالىق باق-تا 5 مىڭنان استام ينفوگرافيكا مەن تەلەگرافيكا جارييالاندى. وسىلايشا, مينيسترلٸك مەملەكەت تاراپىنان قابىلدانعان داعدارىسقا قارسى شارالار تۋرالى اقپاراتتاندىرۋ بويىنشا اۋقىمدى جۇمىس جٷرگٸزدٸ», - دەپ توقتالدى كەمەلبەك ويشىباەۆ.
ونىڭ ايتۋىنشا, 2020 جىلى كۆي تاقىرىبى بويىنشا بۇقارالىق اقپارات قۇرالدارىندا 274 مىڭ ماتەريال جارىق كٶرگەن.
