Resei qarýly kúshteri Ýkrainaǵa basyp kirgeli beri elden eki million adam bosyp ketti, dep habarlady 8 naýryzda BUU-nyń bosqyndar isi jónindegi Joǵarǵy komissary Filippo Grandi.
BUU málimetinshe, Eýropada Ekinshi dúniejúzilik soǵystan beri mundai daǵdarys bolmaǵan.
Ýkrainadaǵy soǵystyń bastalǵanyna eki apta ótken joq. Soǵan qaramastan 900 myńǵa jýyq ýkraindyq bas saýǵalap Polshaǵa ótse, 150 myńy Vengriiany panalaǵan. Eýroodaq óz aýmaǵynda 6,5 million bosqyndy qabyldaýǵa daiyn.
Bir táýliktiń ishinde ýkrain shekarasynan batysqa qarai 132 myń adam ótti, dep habarlady Memlekettik shekara qyzmeti.
"Bizge atystyń tyiylǵany kerek, bitim kerek, sol kezde adamdar elden qashpaidy, úilerine qaita oralady. Biraq olar qazir ábden shoshyp qalǵan" dedi Grandi "Ál-Jazira" telearnasyna.
