رەسەي قارۋلى كٷشتەرٸ ۋكرايناعا باسىپ كٸرگەلٸ بەرٸ ەلدەن ەكٸ ميلليون ادام بوسىپ كەتتٸ, دەپ حابارلادى 8 ناۋرىزدا بۇۇ-نىڭ بوسقىندار ٸسٸ جٶنٸندەگٸ جوعارعى كوميسسارى فيليپپو گراندي.
بۇۇ مەلٸمەتٸنشە, ەۋروپادا ەكٸنشٸ دٷنيەجٷزٸلٸك سوعىستان بەرٸ مۇنداي داعدارىس بولماعان.
ۋكرايناداعى سوعىستىڭ باستالعانىنا ەكٸ اپتا ٶتكەن جوق. سوعان قاراماستان 900 مىڭعا جۋىق ۋكرايندىق باس ساۋعالاپ پولشاعا ٶتسە, 150 مىڭى ۆەنگرييانى پانالاعان. ەۋرووداق ٶز اۋماعىندا 6,5 ميلليون بوسقىندى قابىلداۋعا دايىن.
بٸر تەۋلٸكتٸڭ ٸشٸندە ۋكراين شەكاراسىنان باتىسقا قاراي 132 مىڭ ادام ٶتتٸ, دەپ حابارلادى مەملەكەتتٸك شەكارا قىزمەتٸ.
"بٸزگە اتىستىڭ تىيىلعانى كەرەك, بٸتٸم كەرەك, سول كەزدە ادامدار ەلدەن قاشپايدى, ٷيلەرٸنە قايتا ورالادى. بٸراق ولار قازٸر ەبدەن شوشىپ قالعان" دەدٸ گراندي "ەل-جازيرا" تەلەارناسىنا.
