Qazaqstan soǵys qimyldary saldarynan Ýkrainaǵa keltirilgen shyǵyndy óteý týraly qararǵa daýys berýden qalys qaldy, - dep habarlaidy Massaget.kz.
Rezoliýtsiiany BUU Bas Assambleiasy qabyldady, ony 94 memleket qoldap, 14 memleket qarsy boldy, al 73 memleket qalys qaldy, qalys qalǵandardyń ishinde Qazaqstan da bar.
Qujatta halyqaralyq mehanizm qurý qarastyrylǵan, sonymen qatar, Resei Federatsiiasynyń halyqaralyq quqyqty buzǵan áreketteri saldarynan barlyq múddeli tulǵaǵa, sondai-aq, Ýkraina memleketine keltirilgen zalaldyń dálelderin tirkeý úshin halyqaralyq tizilim qurý usynylady. Avtorlardyń aitýynsha, Resei Federatsiiasy jaýapqa tartylýy kerek.
Eske salaiyq, osyǵan uqsas rezoliýtsiiany BUU Bas Assambleiasy naýryzda qabyldaǵan edi. Sol kezde de Qazaqstan daýys berýden qalys qaldy.
