قازاقستان سوعىس قيمىلدارى سالدارىنان ۋكرايناعا كەلتٸرٸلگەن شىعىندى ٶتەۋ تۋرالى قارارعا داۋىس بەرۋدەن قالىس قالدى, - دەپ حابارلايدى Massaget.kz.
رەزوليۋتسييانى بۇۇ باس اسسامبلەياسى قابىلدادى, ونى 94 مەملەكەت قولداپ, 14 مەملەكەت قارسى بولدى, ال 73 مەملەكەت قالىس قالدى, قالىس قالعانداردىڭ ٸشٸندە قازاقستان دا بار.
قۇجاتتا حالىقارالىق مەحانيزم قۇرۋ قاراستىرىلعان, سونىمەن قاتار, رەسەي فەدەراتسيياسىنىڭ حالىقارالىق قۇقىقتى بۇزعان ەرەكەتتەرٸ سالدارىنان بارلىق مٷددەلٸ تۇلعاعا, سونداي-اق, ۋكراينا مەملەكەتٸنە كەلتٸرٸلگەن زالالدىڭ دەلەلدەرٸن تٸركەۋ ٷشٸن حالىقارالىق تٸزٸلٸم قۇرۋ ۇسىنىلادى. اۆتورلاردىڭ ايتۋىنشا, رەسەي فەدەراتسيياسى جاۋاپقا تارتىلۋى كەرەك.
ەسكە سالايىق, وسىعان ۇقساس رەزوليۋتسييانى بۇۇ باس اسسامبلەياسى ناۋرىزدا قابىلداعان ەدٸ. سول كەزدە دە قازاقستان داۋىس بەرۋدەن قالىس قالدى.
