Dúnie júzindegi milliondaǵan adamnyń azamattyǵy joq jáne esh jerde tirkelmegen. Sondyqtan qazir olardyń kópshiliginde COVID-19 vaktsinatsiiasyn alý múmkindigi joq jáne olar ulttyq vaktsinatsiia baǵdarlamasyna kirmeidi, dep habarlaidy "Ult aqparat" BUU jańalyqtaryna silteme jasap.
BUU Bosqyndar isteri jónindegi basqarmasynyń (BIJB) resmi derekteri boiynsha álemniń 94 elinde 4,2 million azamattyǵy joq adam turady. Mundai myńdaǵan adam Ortalyq Aziiada – KSRO ydyraǵannan keiin barlyǵy jańadan qurylǵan memleketterdiń azamattyǵyn rastai da, ala da almady.
Sarapshylardyń aitýynsha, kóptegen elderde azamattyǵy joq adamdardy immýndaý boiynsha naqty josparlar joq. Eki el mundai adamdarǵa vaktsina salýǵa tyiym saldy. Keibir elderde olar vaktsinatsiiaǵa aqshany qaltasynan tóleýi kerek, olardyń kópshiligi, ásirese pandemiiadan týyndaǵan ekonomikalyq daǵdarys jaǵdaiynda tólei almaidy.
«Kóptegen jaǵdailarda azamattyǵy joq adamdarǵa pandemiianyń áleýmettik-ekonomikalyq saldary olar úshin óte aýyr bolǵanyna qaramastan, olardyń quqyqtyq mártebesiniń bolmaýyna bailanysty testileý men emdeý jáne áleýmettik qyzmetter azamattyǵy joq adamdar úshin qoljetimdi bolmady»,-deidi BUU Bosqyndar isi jónindegi basqarma ókilderi.
BUU BIJB elder biligin óz territoriiasynda turatyn barlyq adamǵa vaktsinatsiia jasaý úshin qoldan kelgenniń bárin jasaýǵa, atap aitqanda tólqujat nemese júrgizýshi kýáligi siiaqty dástúrli túrlerinen basqa jeke basyn kýálandyrýdyń balamaly túrlerin qabyldaýǵa shaqyrady.
BUU BIJB sonymen qatar birqatar elde pandemiiaǵa bailanysty týý týraly kýálikterdi berý ýaqytsha toqtatyldy, sonyń saldarynan álemde azamattyǵy joq adamdar kóp bolady dep alańdaidy.
BUU BIJB sarapshylary, olardyń mártebesine qaramastan, vaktsinalaýdyń ámbebap strategiiasyn qabyldaǵan elderge toqtaldy. Olardyń arasynda Ispaniia, Portýgaliia, Túrkimenstan, Livan, Kýveit jáne Iordaniia bar.
Ulybritaniia biligi barlyq zańsyz migranttar, onyń ishinde azamattyǵy joq adamdar vaktsinany ala alatyndyǵyn, sonymen qatar meditsinalyq qyzmetkerler ózderiniń derekterin quqyq qorǵaý organdaryna ótkizbeitinin málimdedi.
