دٷنيە جٷزٸندەگٸ ميلليونداعان ادامنىڭ ازاماتتىعى جوق جەنە ەش جەردە تٸركەلمەگەن. سوندىقتان قازٸر ولاردىڭ كٶپشٸلٸگٸندە COVID-19 ۆاكتسيناتسيياسىن الۋ مٷمكٸندٸگٸ جوق جەنە ولار ۇلتتىق ۆاكتسيناتسييا باعدارلاماسىنا كٸرمەيدٸ, دەپ حابارلايدى "ۇلت اقپارات" بۇۇ جاڭالىقتارىنا سٸلتەمە جاساپ.
بۇۇ بوسقىندار ٸستەرٸ جٶنٸندەگٸ باسقارماسىنىڭ (بٸجب) رەسمي دەرەكتەرٸ بويىنشا ەلەمنٸڭ 94 ەلٸندە 4,2 ميلليون ازاماتتىعى جوق ادام تۇرادى. مۇنداي مىڭداعان ادام ورتالىق ازييادا – كسرو ىدىراعاننان كەيٸن بارلىعى جاڭادان قۇرىلعان مەملەكەتتەردٸڭ ازاماتتىعىن راستاي دا, الا دا المادى.
ساراپشىلاردىڭ ايتۋىنشا, كٶپتەگەن ەلدەردە ازاماتتىعى جوق ادامداردى يممۋنداۋ بويىنشا ناقتى جوسپارلار جوق. ەكٸ ەل مۇنداي ادامدارعا ۆاكتسينا سالۋعا تىيىم سالدى. كەيبٸر ەلدەردە ولار ۆاكتسيناتسيياعا اقشانى قالتاسىنان تٶلەۋٸ كەرەك, ولاردىڭ كٶپشٸلٸگٸ, ەسٸرەسە پاندەمييادان تۋىنداعان ەكونوميكالىق داعدارىس جاعدايىندا تٶلەي المايدى.
«كٶپتەگەن جاعدايلاردا ازاماتتىعى جوق ادامدارعا پاندەمييانىڭ ەلەۋمەتتٸك-ەكونوميكالىق سالدارى ولار ٷشٸن ٶتە اۋىر بولعانىنا قاراماستان, ولاردىڭ قۇقىقتىق مەرتەبەسٸنٸڭ بولماۋىنا بايلانىستى تەستٸلەۋ مەن ەمدەۋ جەنە ەلەۋمەتتٸك قىزمەتتەر ازاماتتىعى جوق ادامدار ٷشٸن قولجەتٸمدٸ بولمادى»,-دەيدٸ بۇۇ بوسقىندار ٸسٸ جٶنٸندەگٸ باسقارما ٶكٸلدەرٸ.
بۇۇ بٸجب ەلدەر بيلٸگٸن ٶز تەرريتوريياسىندا تۇراتىن بارلىق ادامعا ۆاكتسيناتسييا جاساۋ ٷشٸن قولدان كەلگەننٸڭ بەرٸن جاساۋعا, اتاپ ايتقاندا تٶلقۇجات نەمەسە جٷرگٸزۋشٸ كۋەلٸگٸ سيياقتى دەستٷرلٸ تٷرلەرٸنەن باسقا جەكە باسىن كۋەلاندىرۋدىڭ بالامالى تٷرلەرٸن قابىلداۋعا شاقىرادى.
بۇۇ بٸجب سونىمەن قاتار بٸرقاتار ەلدە پاندەميياعا بايلانىستى تۋۋ تۋرالى كۋەلٸكتەردٸ بەرۋ ۋاقىتشا توقتاتىلدى, سونىڭ سالدارىنان ەلەمدە ازاماتتىعى جوق ادامدار كٶپ بولادى دەپ الاڭدايدى.
بۇۇ بٸجب ساراپشىلارى, ولاردىڭ مەرتەبەسٸنە قاراماستان, ۆاكتسينالاۋدىڭ ەمبەباپ ستراتەگيياسىن قابىلداعان ەلدەرگە توقتالدى. ولاردىڭ اراسىندا يسپانييا, پورتۋگالييا, تٷركٸمەنستان, ليۆان, كۋۆەيت جەنە يوردانييا بار.
ۇلىبريتانييا بيلٸگٸ بارلىق زاڭسىز ميگرانتتار, ونىڭ ٸشٸندە ازاماتتىعى جوق ادامدار ۆاكتسينانى الا الاتىندىعىن, سونىمەن قاتار مەديتسينالىق قىزمەتكەرلەر ٶزدەرٸنٸڭ دەرەكتەرٸن قۇقىق قورعاۋ ورگاندارىنا ٶتكٸزبەيتٸنٸن مەلٸمدەدٸ.
