QR Bas prokýratýrasy Qylmystyq qýdalaý qyzmeti basshysynyń orynbasary Eldos Qilymjanov burynǵy Qorǵanys ministri Murat Bektanovqa qatysty is qai satyda júrgizilip jatqanyn aitty, dep habarlaidy QazAqparat.
«Qazirgi ýaqytta burynǵy Qorǵanys ministri M. Bektanovty aiyptaý týraly qylmystyq is sotta qaralyp jatyr», - dedi Qilymjanov Ortalyq kommýnikatsiialar qyzmetindegi brifingide.
Budan buryn habarlanǵandai, 9 qańtarda Murat Bektanov laýazymynan bosatylǵan edi. Memleket basshysy Qasym-Jomart Toqaev ministrdi komandirlik qabiletin kórsete almaǵany úshin synaǵan bolatyn.
2022 jylǵy 19 aqpanda QR Bas prokýratýrasy burynǵy Qorǵanys ministri Murat Káribaiuly Bektanovqa qatysty Qazaqstan Respýblikasy Qylmystyq kodeksiniń 452-baby áreketsizdik faktisi boiynsha sotqa deiingi tergep-tekserýdi bastaǵan bolatyn.
Osy bapqa sáikes, áskeri jaǵdaida bilikti asyra paidalanǵany úshin múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyrylyp, 7 jyldan 15 jylǵa deiin bas bostandyǵynan aiyrylýy múmkin.
