قر باس پروكۋراتۋراسى قىلمىستىق قۋدالاۋ قىزمەتٸ باسشىسىنىڭ ورىنباسارى ەلدوس قيلىمجانوۆ بۇرىنعى قورعانىس مينيسترٸ مۇرات بەكتانوۆقا قاتىستى ٸس قاي ساتىدا جٷرگٸزٸلٸپ جاتقانىن ايتتى, دەپ حابارلايدى قازاقپارات.
«قازٸرگٸ ۋاقىتتا بۇرىنعى قورعانىس مينيسترٸ م. بەكتانوۆتى ايىپتاۋ تۋرالى قىلمىستىق ٸس سوتتا قارالىپ جاتىر», - دەدٸ قيلىمجانوۆ ورتالىق كوممۋنيكاتسييالار قىزمەتٸندەگٸ بريفينگٸدە.
بۇدان بۇرىن حابارلانعانداي, 9 قاڭتاردا مۇرات بەكتانوۆ لاۋازىمىنان بوساتىلعان ەدٸ. مەملەكەت باسشىسى قاسىم-جومارت توقاەۆ مينيستردٸ كومانديرلٸك قابٸلەتٸن كٶرسەتە الماعانى ٷشٸن سىناعان بولاتىن.
2022 جىلعى 19 اقپاندا قر باس پروكۋراتۋراسى بۇرىنعى قورعانىس مينيسترٸ مۇرات كەرٸبايۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسٸنٸڭ 452-بابى ەرەكەتسٸزدٸك فاكتٸسٸ بويىنشا سوتقا دەيٸنگٸ تەرگەپ-تەكسەرۋدٸ باستاعان بولاتىن.
وسى باپقا سەيكەس, ەسكەري جاعدايدا بيلٸكتٸ اسىرا پايدالانعانى ٷشٸن مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرىلىپ, 7 جىلدان 15 جىلعا دەيٸن باس بوستاندىعىنان ايىرىلۋى مٷمكٸن.
