Aqmola oblysynyń Býrabai kentinde 4 áieldi zorlyqpen óltirdi degen kúdikpen jergilikti turǵyn ustaldy, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, 5 jeltoqsan, túngi saǵat 00:00-de Býrabai aýdandyq PB kezekshilik bólimine jergilikti turǵyn qońyraý shalyp, Býrabai kentindegi kópqabatty turǵyn úilerdiń birindegi páterde ózi adam óltirgenin aitqan.
«Habarlanǵan mekenjaiǵa jetken jedel-tergeý toby zorlyqpen óltirilgen 4 áieldiń denesin tapty. Tártip saqshylary Býrabai kentiniń buryn urlyq úshin birneshe ret sotty bolǵan 28 jastaǵy turǵynyn ustady. Oqiǵanyń mán-jaiy anyqtalyp jatyr. Kúdikti ýaqytsha ustaý oqshaýlaǵyshyna qamalyp, Qylmystyq kodekstiń 99-baby boiynsha tergep-tekserý amaldary bastaldy», - dedi vedomstvodan.
