Belgili prodiýser Jan Muqanov otandyq shoý-biznestegi esirtki máselesi týraly jazba jariialap, indýstriia bul taqyrypta únsiz qalmaýy kerek ekenin aitty, dep habarlaidy ult.kz.
Prodiýser shoý-biznes salasynda uzaq ýaqyt jumys isteitinin aityp, sońǵy ýaqytta sintetikalyq esirtkiniń taralýyna alańdaitynyn jetkizdi.
«Men alkogol týraly aityp otyrǵan joqpyn. Meni sintetikalyq esirtkiniń – mefedron, "kristaldar" jáne túrli stimýliatorlardyń qanshalyqty tez taralyp jatqany kóbirek alańdatady», – dep jazdy Jan Muqanov.
Onyń sózinshe, bul máseleniń ainalasynda tutas bir júie qalyptasyp keledi. Bireýler dilerdi biledi, endi biri esirtki taýyp beredi nemese jetkizedi, al keibiri ony jasyrýǵa tyrysady.
Prodiýser táýeldilik bir adamnyń ǵana emes, ainalasyndaǵy ondaǵan adamnyń ómirine áser etetinin atap ótti.
«Kómekshiler kepilge ainalady, komanda únemi daǵdarys jaǵdaiynda júredi, otbasylar zardap shegedi», – dedi ol.
Jan Muqanov naqty adamdardyń aty-jónin atamaitynyn aitty. Alaida onyń pikirinshe, ónerpazdyń únemi jumysynan qalýy, joǵalyp ketýi, oǵash minez-qulyq kórsetýi nemese óz mindettemelerin oryndamaýy túrli suraq týyndatýy qajet.
Prodiýser esirtkige táýeldilikti óner men jetistiktiń bir bóligi retinde qabyldaýǵa bolmaitynyn atap ótti.
«Esirtkige táýeldilik – kásiptiń de, talanttyń da, jetistiktiń de bir bóligi emes. Al eger adamnyń táýeldiliginen basqa adamdar zardap shegetin bolsa, bul endi tek onyń jeke máselesi emes», – dep jazdy ol.
Jan Muqanov shoý-biznes ókilderin máseleni jasyrmai, ashyq talqylaýǵa shaqyrdy. Onyń aitýynsha, qoǵam bul problemany joqqa shyǵara berse, onyń saldary keiin áldeqaida aýyr bolýy múmkin.
