QR IIM Tótenshe jaǵdailar komiteti eldegi boranǵa bailanysty júrgizilip jatqan jumystar jaiynda esep berdi, dep habarlaidy "Ult aqparat" vedomstvonyń resmi ókili Rýslan Imanqulovqa silteme jasap.
Astanadaǵy «Nursultan Nazarbaev» áýejaiynda tańerteńgi 7-den bastap barlyq áýe reisteri toqtatyldy. Saǵat 01.00-den barlyq baǵyttar boiynsha barlyq kólik túrleri qozǵalysyna shekteý qoiyldy.
«112» pýltine 2000-ǵa jýyq qońyraý kelip tústi, olardyń kóbi aqparattyq syńaidaǵy qońyraýlar. Zardap shekkender joq.
Aqmola oblysynda tańerteńgi 8-30-dan bastap, barlyq kólik túrleri boiynsha, barlyq baǵyttarǵa jol jabyldy.
Qutqarý qyzmetine 1180 qońyraý túsken. Zardap shekkender týraly aqparat joq. Arshaly, Astrahan, Ereimentaý, Tselinograd, Shortandy aýdandary mańaiynda 100-den astam kóliktiń jinalyp qalǵany baiqaldy.
Qaraǵandy oblysynda saǵat tańǵy 8-den barlyq kólik túrleri boiynsha, barlyq baǵyttarǵa jol jabyldy. «112» nómirine 1300-den astam qońyraý tústi. Ulytaý, Abai, Shet aýdandarynda apattyq-qutqarý is-sharalary júrgizilip jatyr.
Sondai-aq, búgin saǵat 10:30-dan bastap aýa raiynyń nasharlaýyna bailanysty «Qyzylorda-Pavlodar-Ýspenka-RF shekarasyna deiin» respýblikalyq mańyzdaǵy avtojolynyń ýchaskesinde (12-216 shaqyrym aralyǵy, Qyzylorda qalasy-Qaraǵandy oblysynyń shekarasy) barlyq kólik túrleri úshin qozǵalys toqtatyldy.
