قر ٸٸم تٶتەنشە جاعدايلار كوميتەتٸ ەلدەگٸ بورانعا بايلانىستى جٷرگٸزٸلٸپ جاتقان جۇمىستار جايىندا ەسەپ بەردٸ, دەپ حابارلايدى "ۇلت اقپارات" ۆەدومستۆونىڭ رەسمي ٶكٸلٸ رۋسلان يمانقۇلوۆقا سٸلتەمە جاساپ.
استاناداعى «نۇرسۇلتان نازارباەۆ» ەۋەجايىندا تاڭەرتەڭگٸ 7-دەن باستاپ بارلىق ەۋە رەيستەرٸ توقتاتىلدى. ساعات 01.00-دەن بارلىق باعىتتار بويىنشا بارلىق كٶلٸك تٷرلەرٸ قوزعالىسىنا شەكتەۋ قويىلدى.
«112» پۋلتٸنە 2000-عا جۋىق قوڭىراۋ كەلٸپ تٷستٸ, ولاردىڭ كٶبٸ اقپاراتتىق سىڭايداعى قوڭىراۋلار. زارداپ شەككەندەر جوق.
اقمولا وبلىسىندا تاڭەرتەڭگٸ 8-30-دان باستاپ, بارلىق كٶلٸك تٷرلەرٸ بويىنشا, بارلىق باعىتتارعا جول جابىلدى.
قۇتقارۋ قىزمەتٸنە 1180 قوڭىراۋ تٷسكەن. زارداپ شەككەندەر تۋرالى اقپارات جوق. ارشالى, استراحان, ەرەيمەنتاۋ, تسەلينوگراد, شورتاندى اۋداندارى ماڭايىندا 100-دەن استام كٶلٸكتٸڭ جينالىپ قالعانى بايقالدى.
قاراعاندى وبلىسىندا ساعات تاڭعى 8-دەن بارلىق كٶلٸك تٷرلەرٸ بويىنشا, بارلىق باعىتتارعا جول جابىلدى. «112» نٶمٸرٸنە 1300-دەن استام قوڭىراۋ تٷستٸ. ۇلىتاۋ, اباي, شەت اۋداندارىندا اپاتتىق-قۇتقارۋ ٸس-شارالارى جٷرگٸزٸلٸپ جاتىر.
سونداي-اق, بٷگٸن ساعات 10:30-دان باستاپ اۋا رايىنىڭ ناشارلاۋىنا بايلانىستى «قىزىلوردا-پاۆلودار-ۋسپەنكا-رف شەكاراسىنا دەيٸن» رەسپۋبليكالىق ماڭىزداعى اۆتوجولىنىڭ ۋچاسكەسٸندە (12-216 شاقىرىم ارالىعى, قىزىلوردا قالاسى-قاراعاندى وبلىسىنىڭ شەكاراسى) بارلىق كٶلٸك تٷرلەرٸ ٷشٸن قوزعالىس توقتاتىلدى.
