Búgin Qazaqstanda Konstitýtsiia kúni merekesi atalyp ótiledi. Bul kúni elimizdiń barlyq óńirinde merekege orai buqaralyq sharalar uiymdastyrylady.
Elimizdiń Ata Zańy - 1995 jylǵy 30 tamyzda jalpyhalyqtyq referendýmda qabyldanǵan bolatyn. Oǵan 8 millionnan astam adam qatysqan. Bul qujatqa sáikes, Qazaqstan prezidentpen basqarylatyn memleket retinde, al 30 tamyz memlekettik mereke - Qazaqstan Respýblikasynyń Konstitýtsiia kúni bop jariialandy.
1995 jyly qabyldanǵan Konstitýtsiianyń basty avtory - Qazaqstan halqy men onyń Tuńǵysh Prezidenti - Elbasy Nursultan Nazarbaev dep tolyq senimmen aitýǵa bolady.
Konstitýtsiianyń birinshi zańynda bylai delingen: "Qazaqstan Respýblikasy ózin demokratiialyq, zaiyrly, quqyqtyq jáne áleýmettik memleket retinde ornyqtyrady, onyń eń qymbat qazynasy - adam jáne adamnyń ómiri, quqyqtary men bostandyqtary".
Iaǵni, Konstitýtsiianyń birinshi babynda Qazaqstan ózin eń biik qundylyǵy adam jáne onyń ómiri, quqyǵy, erkindigi bop tabylatyn demokratiialyq, zaiyrly, quqyqtyq jáne áleýmettik memleket retinde bekitti. QR Konstitýtsiiasyna 1998, 2007 jáne 2011 jyldary birqatar ózgerister engizildi.
Qazaqstannyń Ata Zańy álemdegi eń jas Konstitýtsiialardyń biri bolyp sanalady. Árine, tarih aýqymynan alyp qaraǵanda, 20 jyldan astam ýaqyt az ǵana merzim. Dese de,osyndai almaǵaiyp zamanda Qazaqstannyń Ata Zańy ýaqyttyń synynan súrinbei ótti, óziniń zaman talabyna laiyqtyǵyn jan-jaqty dáleldedi. Al kóptegen zertteýshilerdiń pikirinshe, Qazaqstannyń Konstitýtsiiasy álemdegi jalpyadamzattyq qundylyqtardy dáripteitin eń úzdik konstitýtsiianyń qatarynda tur.
2017 jylǵy konstitýtsiialyq reforma qazirgi zamanǵy Qazaqstannyń quqyqtyq jaǵynan jańǵyrýynyń kezekti bir kezeńi boldy.
Osy aptada Astanada QR Konstitýtsiiasy kúnine arnalǵan «Konstitýtsiia jáne qoǵam men memlekettiń jańǵyrýy» atty halyqaralyq ǵylymi-tájiribelik konferentsiia ótip, onyń ashylýynda Memlekettik hatshy Gúlshara Ábdihalyqova Prezident Nursultan Nazarbaevtyń quttyqtaý hatyn oqyp berdi.
«Bizdiń Ata zańymyz zańdylyqtyń, kelisimniń jáne elimizdiń qarqyndy damýynyń kepili bolyp tabylady. Búgin de Qazaqstandy búkil álemde jahandyq antiiadrolyq qozǵalystyń kóshbasshysy dep tanidy. Bizdiń elimiz BUU Qaýipsizdik Keńesiniń turaqty emes múshesi boldy. Astanada «EKSPO-2017» halyqaralyq mamandandyrylǵan kórmesi ótýde. Elimizde ekonomika men áleýmettik sala nyǵaiýda. Biznes pen azamattyq qoǵam damýda. Biz Konstitýtsiiany basshylyqqa ala otyryp, aýqymdy máselelerdi sheshemiz jáne 2050 jylǵa qarai Qazaqstan álemniń damyǵan 30 eliniń qataryna enýi tiis. Biyl biz elimiz damýynyń 25 jyldyq tájiribesi men jurtshylyq pikirin keńirek eskere otyryp, konstitýtsiialyq reforma júrgizdik. Onyń negizi bilik tarmaqtary arasynda birqatar ókilettikterdi qaita bólý, Parlament pen Úkimettiń derbestigi men jaýapkershiligin nyǵaitý, qorǵalatyn konstitýtsiialyq qundylyqtardy, adamnyń jáne azamattyń quqyqtary men bostandyqtaryn qorǵaý tetikterin nyǵaitý, sot júiesimen memlekettik basqarý negizderin jańǵyrtý. Konstitýtsiialyq ózgerister qoǵam men memlekettiń tynys-tirshiliginiń barlyq salalaryn odan da ary jańǵyrtýdyń berik negizin qalaidy», - dedi Elbasy.
Ult portaly
.jpeg)