2018 jyldyń qazan aiynan bastap zeinet jasyna jetkender úshin zeinetaqyny rásimdeý tártibi jeńildedi, dep habarlaidy "Ult aqparat" «Azamattarǵa arnalǵan úkimet» korporatsiiasynyń baspasóz qyzmetine silteme jasap.
Endi zeinetkerlikke bailanysty tólemder taǵaiyndaý boiynsha barlyq memlekettik qyzmetter «bir ótinish» printsipi boiynsha «Azamattarǵa arnalǵan úkimet» memlekettik korporatsiiasynyń halyqqa qyzmet kórsetý ortalyqtary arqyly kórsetiledi.
Buǵan deiin zeinet jasyna jetken azamat HQO-ǵa kelip, zeinetkerlik jasqa jetkeni jáne bazalyq zeinetaqy tóleý týraly 2 ótinish beretin, sosyn bir aidan keiin qaitadan memlekettik kepil tólem jasaý týraly ótinish jazatyn. Sodan keiin Biryńǵai jinaqtaýshy zeinetaqy qoryna tólemderdi tóleý jaily taǵy bir ótinish beredi. Endi osy 4 qyzmet úshin HQO-ǵa bir-aq ret kelip, bir ǵana ótinish tastasa jetkilikti.
Kompozittik qyzmet quramyna jasyna bailanysty zeinetaqy taǵaiyndaý, memlekettik bazalyq zeinetaqy tólemderi jáne BJZQ-dan zeinetaqy tóleý qyzmetteri kirip otyr. Budan basqa, memlekettik kepildi tólemderdi tóleý proaktivti túrde - adamnyń mindetti qatysýynsyz júzege asyrylady.
Aita ketý kerek, 2018 jyldyń 9 aiynda memlekettik korporatsiia mamandary zeinet jasyna jetkender boiynsha 67 374 tólem, sondai-aq 76 643 bazalyq zeinetaqy men 51 571 memlekettik kepildik tólemderin rásimdedi.
