2018 جىلدىڭ قازان ايىنان باستاپ زەينەت جاسىنا جەتكەندەر ٷشٸن زەينەتاقىنى رەسٸمدەۋ تەرتٸبٸ جەڭٸلدەدٸ, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» كورپوراتسيياسىنىڭ باسپاسٶز قىزمەتٸنە سٸلتەمە جاساپ.
ەندٸ زەينەتكەرلٸككە بايلانىستى تٶلەمدەر تاعايىنداۋ بويىنشا بارلىق مەملەكەتتٸك قىزمەتتەر «بٸر ٶتٸنٸش» پرينتسيپٸ بويىنشا «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ حالىققا قىزمەت كٶرسەتۋ ورتالىقتارى ارقىلى كٶرسەتٸلەدٸ.
بۇعان دەيٸن زەينەت جاسىنا جەتكەن ازامات حقو-عا كەلٸپ, زەينەتكەرلٸك جاسقا جەتكەنٸ جەنە بازالىق زەينەتاقى تٶلەۋ تۋرالى 2 ٶتٸنٸش بەرەتٸن, سوسىن بٸر ايدان كەيٸن قايتادان مەملەكەتتٸك كەپٸل تٶلەم جاساۋ تۋرالى ٶتٸنٸش جازاتىن. سودان كەيٸن بٸرىڭعاي جيناقتاۋشى زەينەتاقى قورىنا تٶلەمدەردٸ تٶلەۋ جايلى تاعى بٸر ٶتٸنٸش بەرەدٸ. ەندٸ وسى 4 قىزمەت ٷشٸن حقو-عا بٸر-اق رەت كەلٸپ, بٸر عانا ٶتٸنٸش تاستاسا جەتكٸلٸكتٸ.
كومپوزيتتٸك قىزمەت قۇرامىنا جاسىنا بايلانىستى زەينەتاقى تاعايىنداۋ, مەملەكەتتٸك بازالىق زەينەتاقى تٶلەمدەرٸ جەنە بجزق-دان زەينەتاقى تٶلەۋ قىزمەتتەرٸ كٸرٸپ وتىر. بۇدان باسقا, مەملەكەتتٸك كەپٸلدٸ تٶلەمدەردٸ تٶلەۋ پرواكتيۆتٸ تٷردە - ادامنىڭ مٸندەتتٸ قاتىسۋىنسىز جٷزەگە اسىرىلادى.
ايتا كەتۋ كەرەك, 2018 جىلدىڭ 9 ايىندا مەملەكەتتٸك كورپوراتسييا ماماندارى زەينەت جاسىنا جەتكەندەر بويىنشا 67 374 تٶلەم, سونداي-اق 76 643 بازالىق زەينەتاقى مەن 51 571 مەملەكەتتٸك كەپٸلدٸك تٶلەمدەرٸن رەسٸمدەدٸ.
