Almaty qalasynyń qylmystyq ister jónindegi mamandandyrylǵan aýdanaralyq sotynda bankir Muhtar Ábilázov pen onyń sybailastaryna qatysty qylmystyq isti qaraý odan ári jalǵasýda. Sottyń búgingi otyrysynda «Klostrade Financial Group LTD» offshorlyq kompaniiasy arqyly BTA banktiń 4,8 milliard teńgesin jymqyrýǵa qatysty oqiǵa qaraldy. Bul kompaniia da Seishel araldarynda tirkelgen.
«Bir kúndik» kompaniianyń direktory retinde áldebir Djefri Teilor degen adam kórsetilgen. Aita keterlik jait, offshorlyq kompaniialardyń jalǵan jetekshileri eshqashan Qazaqstanǵa kelmegeni beseneden belgili. Olai bolsa, BTA banktiń qyzmetkerleri de olardy eshqashan kórmegeni aidan anyq.
«Klostrade Financial Group LTD» kompaniiasyna nesie berýge qajetti qujattardy №6 korporativtik biznes basqarmasynyń qyzmetkerleri daiyndaǵan. Buǵan deiingi sot otyrystarynda atalǵan qurylymnyń tikelei Muhtar Ábliazovtyń baqylaýynda bolǵany birneshe márte aitylǵan edi.
№6 korporativtik biznes basqarmasynyń negizgi mindetteriniń biri - BTA bankten esh kedergisiz nesie aqsha alý úshin Muhtar Ábliazovtiń nusqaýymen offshorlyq aimaqtarda «bir kúndik» kompaniialardy tirkeý bolyp tabylǵan. Sot otyrysynda buǵan deiin túsinik bergen kýágerlerdiń aitýyna qaraǵanda, kommertsiialyq qyzmetpen ainalysqanyn asyryp kórsetý úshin negizgi kompaniiaǵa baǵynyshty enshiles kompaniialar ártúrli taýarlardy satyp alý maqsatynda Muhtar Ábliazovtiń baqylaýyndaǵy basqa «bir kúndik» kompaniialarmen kelisim-shart jasaǵan. Túptep kelgende, eshqandai kompaniia taýar satyp almaǵany anyq.
Al jalǵan kelisimder tek bankten nesielik qarajattardy alýǵa ǵana qajet bolǵan. «2008 jyly «Klostrade Financial Group LTD» kompaniiasy BTA bankten nesie aqsha alýǵa birneshe ret ótinish bergen. Nesie aqshanyń maqsaty retinde jasalǵan kelisim-sharttar boiynsha mindettemelerdi oryndaýǵa jumsalatyny kórsetiledi», - dep habarlady sot otyrysynda memlekettik aiyptaýshy Erkin Baimaǵambetov.
Atap aitarlyǵy, kelisim-sharttyń mánine kelgende eshkim basyn qatyrmaǵan kórinedi. Óitkeni, taýardy M. Ábliazovqa baǵynyshty basqa bir kompaniia tasymaldaidy. Mysaly, bul joly soia burshaǵy men basqa da tez buzylatyn azyq-túlik ónimderin «Noble Resources», «Bunge SA» kompaniialary jetkizýi tiis bolǵan. Biraq túptep kelgende, taýar da, ony satyp alýǵa BTA bankten bólingen nesie aqsha da Qazaqstanǵa jetpegen. «Bul joly da bankishilik normativtik qujattarǵa qoiylatyn talaptar buzylǵan. Kepilzattyq mindetteme qamtamasyz etilmeidi. Alaida soǵan qaramastan, BTA banktiń nesie komiteti atalǵan akkreditivti ashý týraly zańsyz sheshim shyǵarady» - dep jalǵady sózin memlekettik aiyptaýshy.
Jalpy alǵanda bul qylmystyq keste arqyly Muhtar Ábliazov pen onyń sybailastary 4,8 milliard teńgeni jymqyrǵan. Aita ketelik, qashqyn bankir Muhtar Ábilázovtiń qylmystyq isi boiynsha basty sot otyrysy aǵymdaǵy jyldyń 3-inshi sáýirinde bastaldy.
Sot otyrystaryna úsh memlekettik aiyptaýshy, sottalýshylardyń qorǵaýshylary jáne BTA bankiniń ókili qatysýda. Qylmystyq istiń jalpy kólemi 2 224 tomnan turady. Aiyptaýshylar tiziminde 200-den astam kýágerler bar. Muhtar Ábilázovtiń ózi alǵashqy sot otyrysynan bastap sotqa kelgen joq. Onyń múddesin sotta memleket belgilegen qorǵaýshy Anjelika Ájiǵulova qorǵaýda.
