الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا بانكير مۇحتار ەبٸلەزوۆ پەن ونىڭ سىبايلاستارىنا قاتىستى قىلمىستىق ٸستٸ قاراۋ ودان ەرٸ جالعاسۋدا. سوتتىڭ بٷگٸنگٸ وتىرىسىندا «Klostrade Financial Group LTD» وففشورلىق كومپانيياسى ارقىلى بتا بانكتٸڭ 4,8 ميلليارد تەڭگەسٸن جىمقىرۋعا قاتىستى وقيعا قارالدى. بۇل كومپانييا دا سەيشەل ارالدارىندا تٸركەلگەن.
«بٸر كٷندٸك» كومپانييانىڭ ديرەكتورى رەتٸندە ەلدەبٸر دجەفري تەيلور دەگەن ادام كٶرسەتٸلگەن. ايتا كەتەرلٸك جايت, وففشورلىق كومپانييالاردىڭ جالعان جەتەكشٸلەرٸ ەشقاشان قازاقستانعا كەلمەگەنٸ بەسەنەدەن بەلگٸلٸ. ولاي بولسا, بتا بانكتٸڭ قىزمەتكەرلەرٸ دە ولاردى ەشقاشان كٶرمەگەنٸ ايدان انىق.
«Klostrade Financial Group LTD» كومپانيياسىنا نەسيە بەرۋگە قاجەتتٸ قۇجاتتاردى №6 كورپوراتيۆتٸك بيزنەس باسقارماسىنىڭ قىزمەتكەرلەرٸ دايىنداعان. بۇعان دەيٸنگٸ سوت وتىرىستارىندا اتالعان قۇرىلىمنىڭ تٸكەلەي مۇحتار ەبليازوۆتىڭ باقىلاۋىندا بولعانى بٸرنەشە مەرتە ايتىلعان ەدٸ.
№6 كورپوراتيۆتٸك بيزنەس باسقارماسىنىڭ نەگٸزگٸ مٸندەتتەرٸنٸڭ بٸرٸ - بتا بانكتەن ەش كەدەرگٸسٸز نەسيە اقشا الۋ ٷشٸن مۇحتار ەبليازوۆتٸڭ نۇسقاۋىمەن وففشورلىق ايماقتاردا «بٸر كٷندٸك» كومپانييالاردى تٸركەۋ بولىپ تابىلعان. سوت وتىرىسىندا بۇعان دەيٸن تٷسٸنٸك بەرگەن كۋەگەرلەردٸڭ ايتۋىنا قاراعاندا, كوممەرتسييالىق قىزمەتپەن اينالىسقانىن اسىرىپ كٶرسەتۋ ٷشٸن نەگٸزگٸ كومپانيياعا باعىنىشتى ەنشٸلەس كومپانييالار ەرتٷرلٸ تاۋارلاردى ساتىپ الۋ ماقساتىندا مۇحتار ەبليازوۆتٸڭ باقىلاۋىنداعى باسقا «بٸر كٷندٸك» كومپانييالارمەن كەلٸسٸم-شارت جاساعان. تٷپتەپ كەلگەندە, ەشقانداي كومپانييا تاۋار ساتىپ الماعانى انىق.
ال جالعان كەلٸسٸمدەر تەك بانكتەن نەسيەلٸك قاراجاتتاردى الۋعا عانا قاجەت بولعان. «2008 جىلى «Klostrade Financial Group LTD» كومپانيياسى بتا بانكتەن نەسيە اقشا الۋعا بٸرنەشە رەت ٶتٸنٸش بەرگەن. نەسيە اقشانىڭ ماقساتى رەتٸندە جاسالعان كەلٸسٸم-شارتتار بويىنشا مٸندەتتەمەلەردٸ ورىنداۋعا جۇمسالاتىنى كٶرسەتٸلەدٸ», - دەپ حابارلادى سوت وتىرىسىندا مەملەكەتتٸك ايىپتاۋشى ەركٸن بايماعامبەتوۆ.
اتاپ ايتارلىعى, كەلٸسٸم-شارتتىڭ مەنٸنە كەلگەندە ەشكٸم باسىن قاتىرماعان كٶرٸنەدٸ. ٶيتكەنٸ, تاۋاردى م. ەبليازوۆقا باعىنىشتى باسقا بٸر كومپانييا تاسىمالدايدى. مىسالى, بۇل جولى سويا بۇرشاعى مەن باسقا دا تەز بۇزىلاتىن ازىق-تٷلٸك ٶنٸمدەرٸن «Noble Resources», «Bunge SA» كومپانييالارى جەتكٸزۋٸ تيٸس بولعان. بٸراق تٷپتەپ كەلگەندە, تاۋار دا, ونى ساتىپ الۋعا بتا بانكتەن بٶلٸنگەن نەسيە اقشا دا قازاقستانعا جەتپەگەن. «بۇل جولى دا بانكٸشٸلٸك نورماتيۆتٸك قۇجاتتارعا قويىلاتىن تالاپتار بۇزىلعان. كەپٸلزاتتىق مٸندەتتەمە قامتاماسىز ەتٸلمەيدٸ. الايدا سوعان قاراماستان, بتا بانكتٸڭ نەسيە كوميتەتٸ اتالعان اككرەديتيۆتٸ اشۋ تۋرالى زاڭسىز شەشٸم شىعارادى» - دەپ جالعادى سٶزٸن مەملەكەتتٸك ايىپتاۋشى.
جالپى العاندا بۇل قىلمىستىق كەستە ارقىلى مۇحتار ەبليازوۆ پەن ونىڭ سىبايلاستارى 4,8 ميلليارد تەڭگەنٸ جىمقىرعان. ايتا كەتەلٸك, قاشقىن بانكير مۇحتار ەبٸلەزوۆتٸڭ قىلمىستىق ٸسٸ بويىنشا باستى سوت وتىرىسى اعىمداعى جىلدىڭ 3-ٸنشٸ سەۋٸرٸندە باستالدى.
سوت وتىرىستارىنا ٷش مەملەكەتتٸك ايىپتاۋشى, سوتتالۋشىلاردىڭ قورعاۋشىلارى جەنە بتا بانكٸنٸڭ ٶكٸلٸ قاتىسۋدا. قىلمىستىق ٸستٸڭ جالپى كٶلەمٸ 2 224 تومنان تۇرادى. ايىپتاۋشىلار تٸزٸمٸندە 200-دەن استام كۋەگەرلەر بار. مۇحتار ەبٸلەزوۆتٸڭ ٶزٸ العاشقى سوت وتىرىسىنان باستاپ سوتقا كەلگەن جوق. ونىڭ مٷددەسٸن سوتتا مەملەكەت بەلگٸلەگەن قورعاۋشى انجەليكا ەجٸعۇلوۆا قورعاۋدا.
