- Jyl sońyna deiin Qashaǵanda bir mln. tonna munai óndiriledi. Bul týraly búgin Parlament Senatynda tilshilerge bergen suhbatynda QR Energetika ministri Qanat Bozymbaev málim etti, dep habarlaidy Ult.kz tilshisi QazAqparat agenttigine silteme jasap.
«Qashaǵandy iske qosý 23 qazanǵa josparlanǵan edi. Alaida, ken ornynan alǵashqy eksporttyq munai qazannyń birinshi jartysynda jiberile bastady. Árine, qazirgi kezde retke keltirý jumystary atqarylýda. Jalpy, munai turaqty túrde qubyr júiesine baǵyttalyp jatyr. Tehnikalyq kemshilikter bar, iaǵni bundai jaǵdailar osyndai iri ken oryndary iske qosylǵan kezde bolatyny túsinikti. Degenmen, úlken problemalardy baiqap otyrǵanymyz joq»,-Bozymbaev.
Ministrdiń sózine qaraǵanda, qazirgi kezde Qashaǵanda 120 myń tonnadan astam munai óndirilgen. Sonymen qatar gaz da «QazTransGaz» qubyrlaryna jiberildi. «QazTransOil» AQ jáne Kaspiilik qubyr konsortsiýmy (KQK) arqyly eksporttyq operatsiialar iske asyrylýda.
«Jyldyń sońyna deiin tek Qashaǵannan eń az degende ortasha eseppen 500 myń tonna, al eger retke keltirý jumystary oidaǵydai bolsa, onda 1 mln. tonna munai óndirý josparda bar. Jalpy, birinshi kezeńde bul jaqsy kórsetkish bolyp sanalady»,-dedi ol.
Esterińizge sala keteiik, 14 qazanda Energetika ministrligi Qashaǵannan alǵashqy munai partiiasy eksportqa jiberilgenin habarlaǵan bolatyn. Sol kezde Kaspiilik qubyr konsortsiýmy (KQK) iske qosý-baptaý sheńberinde júrgizilgen jumystar kezinde Qashaǵan ken ornynan shamamen 7 700 tonna eksportqa shyǵarylatyn munaidyń birinshi partiiasy jóneltilgeni aityldy. Sonymen qatar «QazTransOil» AQ qubyrlyq júiesine 18 800 tonna eksportqa shyǵarylatyn munaidyń partiiasy jóneltildi, al «Intergaz Tsentralnaia Aziia» AQ magistraldi júiesine 22,8 mln tekshe metr taýarlyq gaz berildi.
2016 jyldyń 28 qyrkúieginde Soltústik Kaspii konsortsiýmy teńizdegi jáne jerústi keshenindegi jabdyqtardy testileý jáne iske qosý-baptaý jumystaryna kiristi.
«A» aralynyń birneshe uńǵymalary ashyldy. Teńiz kesheni jabdyǵynyń jumysyn turaqtandyrǵan soń, munai jáne gaz «Bolashaq» zaýytyna kelip tústi.
Qazirgi ýaqytta teńizdegi jáne jerústi keshenindegi jabdyqtardy iske qosý-baptaý, baqylaý-ólsheý aspaptaryn jáne tehnologiialyq protsesterdi basqarýdyń avtomatty júielerin testileý jalǵastyrylýda. Turaqty jumys rejimine shyǵý birshama ýaqytty qajet etedi.
.jpeg)