بوزىمباەۆ جىل سوڭىنا دەيٸن قاشاعاندا قانشا مۇناي ٶندٸرٸلەتٸنٸن جارييالادى

- جىل سوڭىنا دەيٸن قاشاعاندا بٸر ملن. توننا مۇناي ٶندٸرٸلەدٸ. بۇل تۋرالى بٷگٸن پارلامەنت سەناتىندا تٸلشٸلەرگە بەرگەن سۇحباتىندا قر ەنەرگەتيكا مينيسترٸ قانات بوزىمباەۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.

«قاشاعاندى ٸسكە قوسۋ 23 قازانعا جوسپارلانعان ەدٸ. الايدا, كەن ورنىنان العاشقى ەكسپورتتىق مۇناي قازاننىڭ بٸرٸنشٸ جارتىسىندا جٸبەرٸلە باستادى. ەرينە, قازٸرگٸ كەزدە رەتكە كەلتٸرۋ جۇمىستارى اتقارىلۋدا. جالپى, مۇناي تۇراقتى تٷردە قۇبىر جٷيەسٸنە باعىتتالىپ جاتىر. تەحنيكالىق كەمشٸلٸكتەر بار, ياعني بۇنداي جاعدايلار وسىنداي ٸرٸ كەن ورىندارى ٸسكە قوسىلعان كەزدە بولاتىنى تٷسٸنٸكتٸ. دەگەنمەن, ٷلكەن پروبلەمالاردى بايقاپ وتىرعانىمىز جوق»,-بوزىمباەۆ.

مينيستردٸڭ سٶزٸنە قاراعاندا, قازٸرگٸ كەزدە قاشاعاندا 120 مىڭ توننادان استام مۇناي ٶندٸرٸلگەن. سونىمەن قاتار گاز دا «قازترانسگاز» قۇبىرلارىنا جٸبەرٸلدٸ. «قازترانسويل» اق جەنە كاسپييلٸك قۇبىر كونسورتسيۋمى (كقك) ارقىلى ەكسپورتتىق وپەراتسييالار ٸسكە اسىرىلۋدا.

«جىلدىڭ سوڭىنا دەيٸن تەك قاشاعاننان ەڭ از دەگەندە ورتاشا ەسەپپەن 500 مىڭ توننا, ال ەگەر رەتكە كەلتٸرۋ جۇمىستارى ويداعىداي بولسا, وندا 1 ملن. توننا مۇناي ٶندٸرۋ جوسپاردا بار. جالپى, بٸرٸنشٸ كەزەڭدە بۇل جاقسى كٶرسەتكٸش بولىپ سانالادى»,-دەدٸ ول.

ەستەرٸڭٸزگە سالا كەتەيٸك, 14 قازاندا ەنەرگەتيكا مينيسترلٸگٸ قاشاعاننان العاشقى مۇناي پارتيياسى ەكسپورتقا جٸبەرٸلگەنٸن حابارلاعان بولاتىن. سول كەزدە كاسپييلٸك قۇبىر كونسورتسيۋمى (كقك) ٸسكە قوسۋ-باپتاۋ شەڭبەرٸندە جٷرگٸزٸلگەن جۇمىستار كەزٸندە قاشاعان كەن ورنىنان شامامەن 7 700 توننا ەكسپورتقا شىعارىلاتىن مۇنايدىڭ بٸرٸنشٸ پارتيياسى جٶنەلتٸلگەنٸ ايتىلدى. سونىمەن قاتار «قازترانسويل» اق قۇبىرلىق جٷيەسٸنە 18 800 توننا ەكسپورتقا شىعارىلاتىن مۇنايدىڭ پارتيياسى جٶنەلتٸلدٸ, ال «ينتەرگاز تسەنترالنايا ازييا» اق ماگيسترالدٸ جٷيەسٸنە 22,8 ملن تەكشە مەتر تاۋارلىق گاز بەرٸلدٸ.

2016 جىلدىڭ 28 قىركٷيەگٸندە سولتٷستٸك كاسپيي كونسورتسيۋمى تەڭٸزدەگٸ جەنە جەرٷستٸ كەشەنٸندەگٸ جابدىقتاردى تەستٸلەۋ جەنە ٸسكە قوسۋ-باپتاۋ جۇمىستارىنا كٸرٸستٸ.

«ا» ارالىنىڭ بٸرنەشە ۇڭعىمالارى اشىلدى. تەڭٸز كەشەنٸ جابدىعىنىڭ جۇمىسىن تۇراقتاندىرعان سوڭ, مۇناي جەنە گاز «بولاشاق» زاۋىتىنا كەلٸپ تٷستٸ.

قازٸرگٸ ۋاقىتتا تەڭٸزدەگٸ جەنە جەرٷستٸ كەشەنٸندەگٸ جابدىقتاردى ٸسكە قوسۋ-باپتاۋ, باقىلاۋ-ٶلشەۋ اسپاپتارىن جەنە تەحنولوگييالىق پروتسەستەردٸ باسقارۋدىڭ اۆتوماتتى جٷيەلەرٸن تەستٸلەۋ جالعاستىرىلۋدا. تۇراقتى جۇمىس رەجيمٸنە شىعۋ بٸرشاما ۋاقىتتى قاجەت ەتەدٸ.