- Úkimet otyrysynan keiingi baspasóz máslihaty barysynda jýrnalisterdiń suraǵyna jaýap bere otyryp, Energetika ministri Qanat Bozymbaev benzin baǵasy týraly boljam aitpaitynyn málim etti, dep habarlaidy Ult.kz tilshisi QazAqparat agenttigine silteme jasap.
«Birinshiden, aitarym, men naryqtaǵy infliatsiialyq jaǵdaiǵa boljam jasaidy dep eshqashan kútpeńizder. Sebebi, men baǵa qymbattaidy dep boljam jasasam, baǵa qymbattap ketýi ábden múmkin. Sondyqtan, meniń bundai boljam jasaýyma qaqym joq», - degen ministr janar-jaǵarmai baǵasyna qatysty naryqtaǵy jaǵdaiǵa toqtaldy.
«Jalpy, meniń aitarym, janar-jaǵarmaidyń birneshe túri bar. Halyq arasynda kóp suranysqa ie jáne baǵasy kóp alańdatatyny - ol «Ai-92» markaly benzin men dizel otyny. Benzinge qatysty aitar bolsam, Ai-92 benzininiń baǵasy 30 paiyzǵa Resei naryǵyna táýeldi. Osy kúnge deiin 70 paiyzyn ishki naryqtaǵy óndiris esebinen jaýyp kelemiz, 30 paiyz importtap kelemiz. Qarasha-jeltoqsan ailarynda baǵa qymbattady. Endi baǵa biraz ýaqytqa deiin turaqtanady dep oilaimyn. Al, Resei federatsiiasynda qazir jerasty bailyqtaryn paidalaný salasynda salyqtyq reformalar júrip jatyr. Bul árine munai salasyna da qatysty, óitkeni, salyqtyń kóbi osy salada. Sondyqtan, jaǵdaidy áli qarastyramyz. Men áriptesim, Reseidiń energetika ministrimen tikelei bailanys ustap otyrmyn», - dedi Q.Bozymbaev.
Ministr atap ótkendei, Ai-92 markaly benzinniń bir litri 133 teńgeden 139 teńgege deiin qymbattasa, dizeldi janar-jaǵarmaidyń baǵasy 128-130 teńge deńgeiinde turaqtanyp tur.
.jpeg)