- ٷكٸمەت وتىرىسىنان كەيٸنگٸ باسپاسٶز مەسليحاتى بارىسىندا جۋرناليستەردٸڭ سۇراعىنا جاۋاپ بەرە وتىرىپ, ەنەرگەتيكا مينيسترٸ قانات بوزىمباەۆ بەنزين باعاسى تۋرالى بولجام ايتپايتىنىن مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بٸرٸنشٸدەن, ايتارىم, مەن نارىقتاعى ينفلياتسييالىق جاعدايعا بولجام جاسايدى دەپ ەشقاشان كٷتپەڭٸزدەر. سەبەبٸ, مەن باعا قىمباتتايدى دەپ بولجام جاساسام, باعا قىمباتتاپ كەتۋٸ ەبدەن مٷمكٸن. سوندىقتان, مەنٸڭ بۇنداي بولجام جاساۋىما قاقىم جوق», - دەگەن مينيستر جانار-جاعارماي باعاسىنا قاتىستى نارىقتاعى جاعدايعا توقتالدى.
«جالپى, مەنٸڭ ايتارىم, جانار-جاعارمايدىڭ بٸرنەشە تٷرٸ بار. حالىق اراسىندا كٶپ سۇرانىسقا يە جەنە باعاسى كٶپ الاڭداتاتىنى - ول «اي-92» ماركالى بەنزين مەن ديزەل وتىنى. بەنزينگە قاتىستى ايتار بولسام, اي-92 بەنزينٸنٸڭ باعاسى 30 پايىزعا رەسەي نارىعىنا تەۋەلدٸ. وسى كٷنگە دەيٸن 70 پايىزىن ٸشكٸ نارىقتاعى ٶندٸرٸس ەسەبٸنەن جاۋىپ كەلەمٸز, 30 پايىز يمپورتتاپ كەلەمٸز. قاراشا-جەلتوقسان ايلارىندا باعا قىمباتتادى. ەندٸ باعا بٸراز ۋاقىتقا دەيٸن تۇراقتانادى دەپ ويلايمىن. ال, رەسەي فەدەراتسيياسىندا قازٸر جەراستى بايلىقتارىن پايدالانۋ سالاسىندا سالىقتىق رەفورمالار جٷرٸپ جاتىر. بۇل ەرينە مۇناي سالاسىنا دا قاتىستى, ٶيتكەنٸ, سالىقتىڭ كٶبٸ وسى سالادا. سوندىقتان, جاعدايدى ەلٸ قاراستىرامىز. مەن ەرٸپتەسٸم, رەسەيدٸڭ ەنەرگەتيكا مينيسترٸمەن تٸكەلەي بايلانىس ۇستاپ وتىرمىن», - دەدٸ ق.بوزىمباەۆ.
مينيستر اتاپ ٶتكەندەي, اي-92 ماركالى بەنزيننٸڭ بٸر ليترٸ 133 تەڭگەدەن 139 تەڭگەگە دەيٸن قىمباتتاسا, ديزەلدٸ جانار-جاعارمايدىڭ باعاسى 128-130 تەڭگە دەڭگەيٸندە تۇراقتانىپ تۇر.
.jpeg)