Parlament Májilisi tóraǵasynyń orynbasary Vladimir Bojko Baiqońyr tóńireginde oba indetine bailanysty habarlamaǵa qatta alańdamaýǵa shaqyrdy, dep habarlaidy Ult.kz tilshisi QazAqparat.
«Burynǵy Tótenshe jaǵdailar ministri retinde aitarym, osyndai jaǵdailarǵa bizde áreket etý sharalary júzege asyrylady. Atalǵan ýchaskeni shuǵyl oqshaýlaý qadamdary atqarylyp, halyqtyń densaýlyq jaǵdaiy tekserilip, turǵyndardy vaktsinalaý júrgiziledi. Osy júieli jumystar mindetti túrde iske asyrylyp, barlyǵy tiisti deńgeide jasalady. Sondyqtan qatty alańdaýdyń reti joq», - dedi Bojko Parlament palatalarynyń birlesken otyrysynan keiin.
Osy oraida ol bul baǵyttaǵy jumystar jetkilikti deńgeide pysyqtalǵanyn jáne atalǵan oqiǵadan kúrdeli saldar bolmaitynyn jetkizdi.
Budan buryn habarlanǵandai, Baiqońyr tóńireginde oba indeti tabyldy. Asa qaýipti juqpaly aýrý oryn alǵan jaǵdai týraly qala ákimshiliginiń resmi saitynan málim boldy.
