پارلامەنت مەجٸلٸسٸ تٶراعاسىنىڭ ورىنباسارى ۆلاديمير بوجكو بايقوڭىر تٶڭٸرەگٸندە وبا ٸندەتٸنە بايلانىستى حابارلاماعا قاتتا الاڭداماۋعا شاقىردى, دەپ حابارلايدى ۇلت.كز تٸلشٸسٸ قازاقپارات.
«بۇرىنعى تٶتەنشە جاعدايلار مينيسترٸ رەتٸندە ايتارىم, وسىنداي جاعدايلارعا بٸزدە ەرەكەت ەتۋ شارالارى جٷزەگە اسىرىلادى. اتالعان ۋچاسكەنٸ شۇعىل وقشاۋلاۋ قادامدارى اتقارىلىپ, حالىقتىڭ دەنساۋلىق جاعدايى تەكسەرٸلٸپ, تۇرعىنداردى ۆاكتسينالاۋ جٷرگٸزٸلەدٸ. وسى جٷيەلٸ جۇمىستار مٸندەتتٸ تٷردە ٸسكە اسىرىلىپ, بارلىعى تيٸستٸ دەڭگەيدە جاسالادى. سوندىقتان قاتتى الاڭداۋدىڭ رەتٸ جوق», - دەدٸ بوجكو پارلامەنت پالاتالارىنىڭ بٸرلەسكەن وتىرىسىنان كەيٸن.
وسى ورايدا ول بۇل باعىتتاعى جۇمىستار جەتكٸلٸكتٸ دەڭگەيدە پىسىقتالعانىن جەنە اتالعان وقيعادان كٷردەلٸ سالدار بولمايتىنىن جەتكٸزدٸ.
بۇدان بۇرىن حابارلانعانداي, بايقوڭىر تٶڭٸرەگٸندە وبا ٸندەتٸ تابىلدى. اسا قاۋٸپتٸ جۇقپالى اۋرۋ ورىن العان جاعداي تۋرالى قالا ەكٸمشٸلٸگٸنٸڭ رەسمي سايتىنان مەلٸم بولدى.
