Astanadaǵy Botanikalyq baqtaǵy sý aidynynyń qazirgi jaǵdaiy áleýmettik jeli qoldanýshylaryn alańdatyp otyr, dep habarlaidy ult.kz.
Threads jelisinde turǵyndar sý aidynynyń jaǵalaýyndaǵy kórinisti jariialaǵan. Jariialanǵan kadrlardan sý mańyndaǵy aýmaqtyń tazalyǵyna máseleler baiqalady.
Jaǵdaiǵa qatysty Astana qalasy, Esil aýdany ákiminiń apparaty túsinikteme berip, qazirgi ýaqytta baq aýmaǵyndaǵy sý aidyny tazartylǵanyn málimdedi.
«Sý aidynyndaǵy turmystyq qoqys jekelegen kelýshilerdiń baq aýmaǵynda belgilengen tártip erejelerin saqtamaýy saldarynan paida bolady. Keibir demalýshylardan keiin sýda plastikalyq bótelkeler, qaptamalar, mailyqtar, paketter jáne basqa da qaldyqtar qalyp qoiady», – delingen habarlamada.
Ákimdik mundai áreketter Qazaqstan Respýblikasynyń Ákimshilik quqyq buzýshylyq týraly kodeksiniń 505-babyna sáikes usaq buzaqylyq retinde saralanýy múmkin ekenin eskertti.
Sondai-aq Botanikalyq baq aýmaǵynda piknik jasaýǵa tyiym salynǵany eske salyndy. Bul talap landshaft dizainy elementterin, jasyl jelekti saqtaý jáne nysannyń sanitarlyq jaǵdaiyn qamtamasyz etý maqsatynda engizilgen.
Jeli qoldanýshylary baqqa kelýshilerdiń mádenietin synǵa alyp, ózderiniń narazylyǵyn bildirýde. Olardyń arasynda Botanikalyq baqqa kamerany kóbeitip, tártipti kúsheitý kerek ekenin aityp jatqandar bar.
