استاناداعى بوتانيكالىق باقتاعى سۋ ايدىنىنىڭ قازٸرگٸ جاعدايى ەلەۋمەتتٸك جەلٸ قولدانۋشىلارىن الاڭداتىپ وتىر, دەپ حابارلايدى ult.kz.
Threads جەلٸسٸندە تۇرعىندار سۋ ايدىنىنىڭ جاعالاۋىنداعى كٶرٸنٸستٸ جارييالاعان. جارييالانعان كادرلاردان سۋ ماڭىنداعى اۋماقتىڭ تازالىعىنا مەسەلەلەر بايقالادى.
جاعدايعا قاتىستى استانا قالاسى, ەسٸل اۋدانى ەكٸمٸنٸڭ اپپاراتى تٷسٸنٸكتەمە بەرٸپ, قازٸرگٸ ۋاقىتتا باق اۋماعىنداعى سۋ ايدىنى تازارتىلعانىن مەلٸمدەدٸ.
«سۋ ايدىنىنداعى تۇرمىستىق قوقىس جەكەلەگەن كەلۋشٸلەردٸڭ باق اۋماعىندا بەلگٸلەنگەن تەرتٸپ ەرەجەلەرٸن ساقتاماۋى سالدارىنان پايدا بولادى. كەيبٸر دەمالۋشىلاردان كەيٸن سۋدا پلاستيكالىق بٶتەلكەلەر, قاپتامالار, مايلىقتار, پاكەتتەر جەنە باسقا دا قالدىقتار قالىپ قويادى», – دەلٸنگەن حابارلامادا.
ەكٸمدٸك مۇنداي ەرەكەتتەر قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 505-بابىنا سەيكەس ۇساق بۇزاقىلىق رەتٸندە سارالانۋى مٷمكٸن ەكەنٸن ەسكەرتتٸ.
سونداي-اق بوتانيكالىق باق اۋماعىندا پيكنيك جاساۋعا تىيىم سالىنعانى ەسكە سالىندى. بۇل تالاپ لاندشافت ديزاينى ەلەمەنتتەرٸن, جاسىل جەلەكتٸ ساقتاۋ جەنە نىساننىڭ سانيتارلىق جاعدايىن قامتاماسىز ەتۋ ماقساتىندا ەنگٸزٸلگەن.
جەلٸ قولدانۋشىلارى باققا كەلۋشٸلەردٸڭ مەدەنيەتٸن سىنعا الىپ, ٶزدەرٸنٸڭ نارازىلىعىن بٸلدٸرۋدە. ولاردىڭ اراسىندا بوتانيكالىق باققا كامەرانى كٶبەيتٸپ, تەرتٸپتٸ كٷشەيتۋ كەرەك ەكەنٸن ايتىپ جاتقاندار بار.
