16-18 jeltoqsany aralyǵynda Bosniia jáne Gertsegovinada QR Táýelsizdigi kúnine arnalǵan is-sharalar ótti, dep habarlaidy "Ult aqparat" SIM silteme jasap.
Belgili bosniialyq músinshi, Bosniia men Gertsegovina Joǵary qoldanbaly óner mektebiniń professory Stiepo Gavrich jasaǵan qazaqtyń uly aqyny jáne oishyly Abaidyń biýsti «Saraevo eski qalasy» tarihi aýdanynda ornatyldy.
Eskertkish Meliatska ózeniniń jaǵasynda, sáýlet óneriniń shedevrleriniń ortasynda – 1891 jylǵy meriia, XVI ǵasyrdaǵy Hadjiia meshiti, Ulttyq kitaphana jáne Bosniia astanasynyń basqa da kórikti jerleriniń qasynda ornalasqan.
Saraevodaǵy mádeni aktsiia aiasynda, Abaidyń tańdamaly shyǵarmalar jinaǵynyń, sondai-aq Jaqypbek Altaevtyń «Ál-Farabi - Shyǵystan shyqqan uly oishyl» kitabynyń tusaýkeseri alǵash ret QR Qurmetti konsýldyǵy men «Búrkit» iskerlik yntymaqtastyq Qaýymdastyǵynyń kómegimen bosniia tiline aýdarylyp basyldy.
«Saraevo eski qalasy» mýnitsipalitetiniń meri Ibragim Hadjibairichpen kezdesý barysynda Qazaqstan Elshisi Tólejan Barlybaev qala biligine onyń týǵanyna 175 jyl tolýyna orai Abai biýstiniń ornatylýyna yqpal etkeni úshin zor rizashylyǵyn bildirip, qazaq aqyny men oishylynyń álemdik rýhani jáne mádeni muraǵa qosqan zor úlesin atap ótti. Saraevo eski qalasynda 2021 jyly Qazaq mádeni ortalyǵyn ashý týraly ýaǵdalastyqqa qol jetkizildi.
Diplomat sonymen qatar Saraevoda Abai eskertkishin ornatý ideiasyn júzege asyrǵany jáne onyń tańdamaly shyǵarmalarynyń jinaǵyn shyǵarǵany úshin Bosniia men Gertsegovinadaǵy QR Qurmetti konsýly Amel Dizdarevichke jáne «Berkýt» Bosniia iskerlik yntymaqtastyq qaýymdastyǵynyń belsendilerine erekshe alǵysyn bildirdi.
