16-18 جەلتوقسانى ارالىعىندا بوسنييا جەنە گەرتسەگوۆينادا قر تەۋەلسٸزدٸگٸ كٷنٸنە ارنالعان ٸس-شارالار ٶتتٸ, دەپ حابارلايدى "ۇلت اقپارات" سٸم سٸلتەمە جاساپ.
بەلگٸلٸ بوسنييالىق مٷسٸنشٸ, بوسنييا مەن گەرتسەگوۆينا جوعارى قولدانبالى ٶنەر مەكتەبٸنٸڭ پروفەسسورى ستيەپو گاۆريچ جاساعان قازاقتىڭ ۇلى اقىنى جەنە ويشىلى ابايدىڭ بيۋستٸ «ساراەۆو ەسكٸ قالاسى» تاريحي اۋدانىندا ورناتىلدى.
ەسكەرتكٸش مەلياتسكا ٶزەنٸنٸڭ جاعاسىندا, سەۋلەت ٶنەرٸنٸڭ شەدەۆرلەرٸنٸڭ ورتاسىندا – 1891 جىلعى مەرييا, XVI عاسىرداعى حادجييا مەشٸتٸ, ۇلتتىق كٸتاپحانا جەنە بوسنييا استاناسىنىڭ باسقا دا كٶرٸكتٸ جەرلەرٸنٸڭ قاسىندا ورنالاسقان.
ساراەۆوداعى مەدەني اكتسييا اياسىندا, ابايدىڭ تاڭدامالى شىعارمالار جيناعىنىڭ, سونداي-اق جاقىپبەك التاەۆتىڭ «ەل-فارابي - شىعىستان شىققان ۇلى ويشىل» كٸتابىنىڭ تۇساۋكەسەرٸ العاش رەت قر قۇرمەتتٸ كونسۋلدىعى مەن «بٷركٸت» ٸسكەرلٸك ىنتىماقتاستىق قاۋىمداستىعىنىڭ كٶمەگٸمەن بوسنييا تٸلٸنە اۋدارىلىپ باسىلدى.
«ساراەۆو ەسكٸ قالاسى» مۋنيتسيپاليتەتٸنٸڭ مەرٸ يبراگيم حادجيبايريچپەن كەزدەسۋ بارىسىندا قازاقستان ەلشٸسٸ تٶلەجان بارلىباەۆ قالا بيلٸگٸنە ونىڭ تۋعانىنا 175 جىل تولۋىنا وراي اباي بيۋستٸنٸڭ ورناتىلۋىنا ىقپال ەتكەنٸ ٷشٸن زور ريزاشىلىعىن بٸلدٸرٸپ, قازاق اقىنى مەن ويشىلىنىڭ ەلەمدٸك رۋحاني جەنە مەدەني مۇراعا قوسقان زور ٷلەسٸن اتاپ ٶتتٸ. ساراەۆو ەسكٸ قالاسىندا 2021 جىلى قازاق مەدەني ورتالىعىن اشۋ تۋرالى ۋاعدالاستىققا قول جەتكٸزٸلدٸ.
ديپلومات سونىمەن قاتار ساراەۆودا اباي ەسكەرتكٸشٸن ورناتۋ يدەياسىن جٷزەگە اسىرعانى جەنە ونىڭ تاڭدامالى شىعارمالارىنىڭ جيناعىن شىعارعانى ٷشٸن بوسنييا مەن گەرتسەگوۆيناداعى قر قۇرمەتتٸ كونسۋلى امەل ديزدارەۆيچكە جەنە «بەركۋت» بوسنييا ٸسكەرلٸك ىنتىماقتاستىق قاۋىمداستىعىنىڭ بەلسەندٸلەرٸنە ەرەكشە العىسىن بٸلدٸردٸ.
