Pavlodar oblysynyń ákimi Bolat Baqaýov eki aiǵa qamaýǵa alyndy. Sheshim Pavlodar qalasynyń mamandandyrylǵan tergeý sotynda qabyldandy, dep habarlaidy "Ult aqparat".
«Baqaýovty eki aiǵa qamaýǵa alý sharasy sanktsiialansyn. Qamaýda ustaý merzimi ustalǵan ýaqytynan bastap eseptelsin», - dedi májilis barysynda sýdia Baltabai Dúnbekbaev.
Bolat Baqaýovqa Qazaqstannyń Qylmystyq Kodeksiniń 362 baby 4-shi bóligi úshinshi pýnkti boiynsha qylmys jasady degen kúdik keltirilip otyr. Atalmysh baptar ózine jáne ózge azamattar men uiym úshin paida tabý maqsatynda qyzmettik ókilettigin asyra paidalaný degendi bildiredi. Mundai qylmys jasaǵany úshin mal-múlki tárkilenip, 5-ten 10 jylǵa deiin sottalady jáne qandai da bir laýazymdy atqarýǵa tyiym salynady.
Prokýror Rýstam Sádýaqasov sottan Bolat Baqaýovty eki aiǵa nemese 16 naýryzǵa deiin qamaýda ustaýdy surady. Sebebi oblystyń eks-ákim bostandyqta jazadan qashyp, bolmasa tergeý jumystaryna kedergi keltirýi múmkin.
Óz kezeginde Bolat Baqaýov ózine taǵylyp otyrǵan aiyppen kelispeitinin aitty.
Osyǵan deiin QR UQK Pavlodar oblysynyń ákimi Bolat Baqaýovqa qatysty qylmystyq is qozǵaǵany habarlanǵan bolatyn.
