پاۆلودار وبلىسىنىڭ ەكٸمٸ بولات باقاۋوۆ ەكٸ ايعا قاماۋعا الىندى. شەشٸم پاۆلودار قالاسىنىڭ مامانداندىرىلعان تەرگەۋ سوتىندا قابىلداندى, دەپ حابارلايدى "ۇلت اقپارات".
«باقاۋوۆتى ەكٸ ايعا قاماۋعا الۋ شاراسى سانكتسييالانسىن. قاماۋدا ۇستاۋ مەرزٸمٸ ۇستالعان ۋاقىتىنان باستاپ ەسەپتەلسٸن», - دەدٸ مەجٸلٸس بارىسىندا سۋديا بالتاباي دٷنبەكباەۆ.
بولات باقاۋوۆقا قازاقستاننىڭ قىلمىستىق كودەكسٸنٸڭ 362 بابى 4-شٸ بٶلٸگٸ ٷشٸنشٸ پۋنكتٸ بويىنشا قىلمىس جاسادى دەگەن كٷدٸك كەلتٸرٸلٸپ وتىر. اتالمىش باپتار ٶزٸنە جەنە ٶزگە ازاماتتار مەن ۇيىم ٷشٸن پايدا تابۋ ماقساتىندا قىزمەتتٸك ٶكٸلەتتٸگٸن اسىرا پايدالانۋ دەگەندٸ بٸلدٸرەدٸ. مۇنداي قىلمىس جاساعانى ٷشٸن مال-مٷلكٸ تەركٸلەنٸپ, 5-تەن 10 جىلعا دەيٸن سوتتالادى جەنە قانداي دا بٸر لاۋازىمدى اتقارۋعا تىيىم سالىنادى.
پروكۋرور رۋستام سەدۋاقاسوۆ سوتتان بولات باقاۋوۆتى ەكٸ ايعا نەمەسە 16 ناۋرىزعا دەيٸن قاماۋدا ۇستاۋدى سۇرادى. سەبەبٸ وبلىستىڭ ەكس-ەكٸم بوستاندىقتا جازادان قاشىپ, بولماسا تەرگەۋ جۇمىستارىنا كەدەرگٸ كەلتٸرۋٸ مٷمكٸن.
ٶز كەزەگٸندە بولات باقاۋوۆ ٶزٸنە تاعىلىپ وتىرعان ايىپپەن كەلٸسپەيتٸنٸن ايتتى.
وسىعان دەيٸن قر ۇقك پاۆلودار وبلىسىنىڭ ەكٸمٸ بولات باقاۋوۆقا قاتىستى قىلمىستىق ٸس قوزعاعانى حابارلانعان بولاتىن.
