QR Ortalyq sailaý komissiiasynyń tóraǵasy Berik Imashev senatorlyqqa úmitkerlerdiń qatarynda qai mamandyq iegerleri bar ekenin aitty, dep habarlaidy "Ult aqparat".
«Mamandyqtar boiynsha totalsaq, 19 injener, 13 ekonomist, 8 pedagog, 7 agrarlyq sala qyzmetkeri, 5 dáriger, 3 zańger, 1 saiasattanýshy, sondai-aq ekeýi basqa mamandyq iegeri. Kandidattar arasynda qazirgi kezde qyzmet atqaryp otyrǵan 4 senator bar. Budan basqa, kandidattar ishinde 21 kommertsiialyq qurylym qyzmetkeri, 16 memlekettik uiymnyń, kásiporyndar men mekemelerdiń qyzmetkerleri, 12 memlekettik qyzmetshi, 5 qoǵamdyq uiymnyń ókili bar», - dedi B. Imashev QR Ortalyq sailaý komissiiasynyń otyrysynda.
Sonymen qatar ol 23 shildede saǵat 18:00-den bastap Senat depýtattyǵyna tirkelgen barlyq kandidattar sailaý aldyndaǵy úgit-nasihatqa kirisýge quqyly ekenin eske saldy. Úgit-nasihat biylǵy 11 tamyzda saǵat 00:00-ge deiin jalǵasady.
