قر ورتالىق سايلاۋ كوميسسيياسىنىڭ تٶراعاسى بەرٸك يماشەۆ سەناتورلىققا ٷمٸتكەرلەردٸڭ قاتارىندا قاي ماماندىق يەگەرلەرٸ بار ەكەنٸن ايتتى, دەپ حابارلايدى "ۇلت اقپارات".
«ماماندىقتار بويىنشا توتالساق, 19 ينجەنەر, 13 ەكونوميست, 8 پەداگوگ, 7 اگرارلىق سالا قىزمەتكەرٸ, 5 دەرٸگەر, 3 زاڭگەر, 1 ساياساتتانۋشى, سونداي-اق ەكەۋٸ باسقا ماماندىق يەگەرٸ. كانديداتتار اراسىندا قازٸرگٸ كەزدە قىزمەت اتقارىپ وتىرعان 4 سەناتور بار. بۇدان باسقا, كانديداتتار ٸشٸندە 21 كوممەرتسييالىق قۇرىلىم قىزمەتكەرٸ, 16 مەملەكەتتٸك ۇيىمنىڭ, كەسٸپورىندار مەن مەكەمەلەردٸڭ قىزمەتكەرلەرٸ, 12 مەملەكەتتٸك قىزمەتشٸ, 5 قوعامدىق ۇيىمنىڭ ٶكٸلٸ بار», - دەدٸ ب. يماشەۆ قر ورتالىق سايلاۋ كوميسسيياسىنىڭ وتىرىسىندا.
سونىمەن قاتار ول 23 شٸلدەدە ساعات 18:00-دەن باستاپ سەنات دەپۋتاتتىعىنا تٸركەلگەن بارلىق كانديداتتار سايلاۋ الدىنداعى ٷگٸت-ناسيحاتقا كٸرٸسۋگە قۇقىلى ەكەنٸن ەسكە سالدى. ٷگٸت-ناسيحات بيىلعى 11 تامىزدا ساعات 00:00-گە دەيٸن جالعاسادى.