Búgin Serbiia astanasy Belgrad qalasynda bokstan álem chempionaty bastalady, dep habarlaidy QazAqparat.
Jarystyń alǵashqy kúninde qazaqstandyq eki boksshy sharshy alańǵa shyǵady.
Serik Temirjanov 1/32 finalda mońǵoliialyq Enh-Amar Harhýýmen qolǵap túiistiredi. Ol 57 kelide synǵa túsedi
S.Temirjanov 1998 jyly dúniege kelgen. Buǵan deiin 2020 jylǵy Tokio Olimpiadasynda baq synady.
Taǵy bir jekpe-jekte Abylaihan Júsipov (67 keli) Taibeiden kelgen Iu Linmen sheberlik baiqasady.
A.Júsipov 1997 jyly dúniege kelgen. 2017, 2019 jyldarda álem chempionatynda qola júldeger atansa, 2017 jyly Aziia chempionatynda kúmis aldy.
Ol biylǵy álem chempionatynda ulttyq quramanyń kapitany mindetin atqarady.
Eske salsaq, ulttyq quramanyń bas bapkeri Qairat Sátjanov dúbirli dodada olardan basqa Temirtas Júsipov (48 keli), Sáken Bibosynov (51 keli), Mahmýd Sabyrhan (54 keli), Samatali Tóltaev (60 keli), Sanatali Tóltaev (63,5 keli), Aslanbek Shymbergenov (71 keli), Nurqanat Rais (75 keli), Nurbek Oralbai (80 keli), Bek Nurmaǵambet (86 keli), Aibek Oralbai (92 keli) men Nurlan Saparbai (92 keliden joǵary) syndy sportshylarǵa senim artty.
Jekpe-jek elorda ýaqytymen 22.00-de «Qazsport» telearnasy arqyly tikelei efirde kórsetiledi.
Dúniejúzilik doda 1974 jyldan beri turaqty túrde uiymdastyrylady. Qazaqstan quramasy búginge deiin 12 altyn, 13 kúmis, 21 qola júlde aldy.
Biyl álem chempionatyna 100-den astam elden 650-ge jýyq sportshy keledi.
Jarysqa Olimpiada chempiondary, Aziia, Eýropa júldegerleri, álem chempiondary da qatysady dep kútilýde.
Aita keteiik, álem chempionatynyń jalpy júlde qory - 2,6 mln AQSh dollar. Jeńimpaz 100 000 dollar alsa, kúmis júldeger 50 000, qola júldeger 25 000 dollar alady.
