2016 jyly Rio-de Janeirodaǵy jazǵy Olimpiada oiyndarynda bokstan tórelik etken birde-bir referi 2020 jylǵy Tokio Olimpiadasyna qatystyrylmaityn boldy, dep habarlaidy "Ult aqparat" Halyqaralyq Olimpiada komitetiniń saityna silteme jasap habarlaidy.
Halyqaralyq Olimpiada komiteti ashyqtyqty qamtamasyz etý úshin Halyqaralyq boks qaýymdastyǵynyń (AIBA) tártibine naqty ózgerister engizip otyr.
«Osydan bylai, tóreshilerdiń bergen baǵasy ár raýndtyń sońynda jariialanyp turady. Talas týǵan jaǵdaida máseleni HOK-tyń boks boiynsha bilikti laýazymdy tulǵalarynan quralǵan pýl sheshedi. Rio-2016 Olimpiada oiyndaryna qatysqan birde-bir sýdia Tokio-2020 jylǵy Olimpiada oiyndaryna qatysa almaidy», - delingen HOK habarlamasynda.
Eske sala ketsek, Rio-de-Janeiro Olimpiadasynda Vasilii Levit Olimpiadanyń kúmis júldegeri atanǵan bolatyn. Qazaqstandyq boksshy finalda reseilik Evgenii Tishenkomen judyryqtasyp, tóreshilerdiń sheshimimen jeńiliske ushyraǵan.
Alaida Halyqaralyq olimpiada komitetiniń basshysy Tomas Bah komitet 2016 jylǵy Olimpiadada bolǵan keibir boks jekpe-jekterine qatysty sheshimderdiń obektivtiligin zertteitinin málimdegen. Ol aiqastardyń biri - Vasilii Levit pen Evgenii Tishenkonyń jekpe-jegi edi.
