2016 جىلى ريو-دە جانەيروداعى جازعى وليمپيادا ويىندارىندا بوكستان تٶرەلٸك ەتكەن بٸردە-بٸر رەفەري 2020 جىلعى توكيو وليمپياداسىنا قاتىستىرىلمايتىن بولدى, دەپ حابارلايدى "ۇلت اقپارات" حالىقارالىق وليمپيادا كوميتەتٸنٸڭ سايتىنا سٸلتەمە جاساپ حابارلايدى.
حالىقارالىق وليمپيادا كوميتەتٸ اشىقتىقتى قامتاماسىز ەتۋ ٷشٸن حالىقارالىق بوكس قاۋىمداستىعىنىڭ (AIBA) تەرتٸبٸنە ناقتى ٶزگەرٸستەر ەنگٸزٸپ وتىر.
«وسىدان بىلاي, تٶرەشٸلەردٸڭ بەرگەن باعاسى ەر راۋندتىڭ سوڭىندا جارييالانىپ تۇرادى. تالاس تۋعان جاعدايدا مەسەلەنٸ حوك-تىڭ بوكس بويىنشا بٸلٸكتٸ لاۋازىمدى تۇلعالارىنان قۇرالعان پۋل شەشەدٸ. ريو-2016 وليمپيادا ويىندارىنا قاتىسقان بٸردە-بٸر سۋديا توكيو-2020 جىلعى وليمپيادا ويىندارىنا قاتىسا المايدى», - دەلٸنگەن حوك حابارلاماسىندا.
ەسكە سالا كەتسەك, ريو-دە-جانەيرو وليمپياداسىندا ۆاسيليي لەۆيت وليمپيادانىڭ كٷمٸس جٷلدەگەرٸ اتانعان بولاتىن. قازاقستاندىق بوكسشى فينالدا رەسەيلٸك ەۆگەنيي تيششەنكومەن جۇدىرىقتاسىپ, تٶرەشٸلەردٸڭ شەشٸمٸمەن جەڭٸلٸسكە ۇشىراعان.
الايدا حالىقارالىق وليمپيادا كوميتەتٸنٸڭ باسشىسى توماس باح كوميتەت 2016 جىلعى وليمپيادادا بولعان كەيبٸر بوكس جەكپە-جەكتەرٸنە قاتىستى شەشٸمدەردٸڭ وبەكتيۆتٸلٸگٸن زەرتتەيتٸنٸن مەلٸمدەگەن. ول ايقاستاردىڭ بٸرٸ - ۆاسيليي لەۆيت پەن ەۆگەنيي تيششەنكونىڭ جەكپە-جەگٸ ەدٸ.
