Almaty oblysy aýmaǵyndaǵy blokposty qiratyp, eki politsiia qyzmetkerin mert qylǵan júrgizýshi buryn ishki ister organdarynda jumys istegen, dep habarlaidy "Ult aqparat".
BMW markaly avtokóliktiń júrgizýshisi 1994 jyly týyǵan azamat, buryn quqyq qorǵaý organdarynda qyzmet etken. Alaida ol óz mindettine nemqurailyq tanytqany úshin jumystan bosatylǵan.
"Ótkizý pýnktinde bolǵan qaiǵyly oqiǵa birden ishki ister organdarynda qyzmet etken eki politsiia qyzmetkeriniń ómirin qidy. Biraq, eń ókinishtisi, jantúrshigerlik apatty jasaǵan júrgizýshi buryn politsiiada istegen. Ol politsiiada alty jyl qyzmet etti, qyzmettik mindetterin tiisinshe oryndamaǵany úshin tórt tártiptik jaza aldy. Bul onyń ishki ister organdarynan ketýine sebep boldy. Biraq odan keiin de ol ózi úshin durys qorytyndy jasai almady. Zańdy buzyp, ol rýlge mas kúiinde otyryp, qylmys jasady", - dedi Almaty politsiia departamentiniń bastyǵy Qanat Taimerdenov.
Qanat Taimerdenovtyń aitýynsha, eki nemese odan da kóp adamdy óltirgeni úshin A. esimdi azamatqa qatysty QR QK 99-babynyń 2-bóligi boiynsha sotqa deiingi tergeý bastaldy. (15 jyldan 20 jylǵa deiin nemese ómir boiyna bas bostandyǵynan aiyrýǵa jazalanady). Qazir ol qamaýda.
Eske salsaq, keshe ǵana Almaty politsiiasy mas júrgizýshiniń politsiia qyzmetkeri emes degen bolatyn.
Qaiǵyly oqiǵa 25 mamyr kúni tańǵa jýyq № 4 blokposta bolǵan. BMW júrgizýshisi mas kúiinde beton qorshaýǵa soǵylyp baryp, inertsiiamen patrýldik politsiia kóligin soqqan. Sonyń kesirinen eki politsiia qyzmetkeri kóz jumdy .
Úshinshi politsiia qyzmetkeri jansaqtaý bóliminde jatyr.
