الماتى وبلىسى اۋماعىنداعى بلوكپوستى قيراتىپ, ەكٸ پوليتسييا قىزمەتكەرٸن مەرت قىلعان جٷرگٸزۋشٸ بۇرىن ٸشكٸ ٸستەر ورگاندارىندا جۇمىس ٸستەگەن, دەپ حابارلايدى "ۇلت اقپارات".
BMW ماركالى اۆتوكٶلٸكتٸڭ جٷرگٸزۋشٸسٸ 1994 جىلى تۋىعان ازامات, بۇرىن قۇقىق قورعاۋ ورگاندارىندا قىزمەت ەتكەن. الايدا ول ٶز مٸندەتتٸنە نەمقۇرايلىق تانىتقانى ٷشٸن جۇمىستان بوساتىلعان.
"ٶتكٸزۋ پۋنكتٸندە بولعان قايعىلى وقيعا بٸردەن ٸشكٸ ٸستەر ورگاندارىندا قىزمەت ەتكەن ەكٸ پوليتسييا قىزمەتكەرٸنٸڭ ٶمٸرٸن قيدى. بٸراق, ەڭ ٶكٸنٸشتٸسٸ, جانتٷرشٸگەرلٸك اپاتتى جاساعان جٷرگٸزۋشٸ بۇرىن پوليتسييادا ٸستەگەن. ول پوليتسييادا التى جىل قىزمەت ەتتٸ, قىزمەتتٸك مٸندەتتەرٸن تيٸسٸنشە ورىنداماعانى ٷشٸن تٶرت تەرتٸپتٸك جازا الدى. بۇل ونىڭ ٸشكٸ ٸستەر ورگاندارىنان كەتۋٸنە سەبەپ بولدى. بٸراق ودان كەيٸن دە ول ٶزٸ ٷشٸن دۇرىس قورىتىندى جاساي المادى. زاڭدى بۇزىپ, ول رۋلگە ماس كٷيٸندە وتىرىپ, قىلمىس جاسادى", - دەدٸ الماتى پوليتسييا دەپارتامەنتٸنٸڭ باستىعى قانات تايمەردەنوۆ.
قانات تايمەردەنوۆتىڭ ايتۋىنشا, ەكٸ نەمەسە ودان دا كٶپ ادامدى ٶلتٸرگەنٸ ٷشٸن ا. ەسٸمدٸ ازاماتقا قاتىستى قر قك 99-بابىنىڭ 2-بٶلٸگٸ بويىنشا سوتقا دەيٸنگٸ تەرگەۋ باستالدى. (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋعا جازالانادى). قازٸر ول قاماۋدا.
ەسكە سالساق, كەشە عانا الماتى پوليتسيياسى ماس جٷرگٸزۋشٸنٸڭ پوليتسييا قىزمەتكەرٸ ەمەس دەگەن بولاتىن.
قايعىلى وقيعا 25 مامىر كٷنٸ تاڭعا جۋىق № 4 بلوكپوستا بولعان. BMW جٷرگٸزۋشٸسٸ ماس كٷيٸندە بەتون قورشاۋعا سوعىلىپ بارىپ, ينەرتسييامەن پاترۋلدٸك پوليتسييا كٶلٸگٸن سوققان. سونىڭ كەسٸرٸنەن ەكٸ پوليتسييا قىزمەتكەرٸ كٶز جۇمدى .
ٷشٸنشٸ پوليتسييا قىزمەتكەرٸ جانساقتاۋ بٶلٸمٸندە جاتىر.
