Búginde áleýmettik jelini belsendi qoldanýshylarǵa óz qalaýymen jelilik basylym retinde tirkeýge turý múmkindigin berý usynylyp otyr. Iaǵni, olar jańa múmkindik pen quqyqqa ie bolady degen sóz. Bul týraly QR Aqparat jáne kommýnikatsiialar ministri Dáýren Abaev facebook-tegi paraqshasynda jazdy, dep habarlaidy "Ult aqparat".
«Eki apta buryn «Ashyq normativtik quqyqtyq aktiler» portalyna «Aqparat jáne kommýnikatsiialar máseleleri boiynsha Qazaqstan Respýblikasynyń keibir zańnamalyq aktilerine tolyqtyrýlar men ózgertýler engizý týraly» zań jobasyna qatysty Tujyrymdamany ornalastyrǵanymyzdy bilesizder.
Bul osy salany damytýdyń kókeikesti máseleleri boiynsha ózara pikir, ideia almasý úshin jasalǵan qadam bolatyn.
Árine, jan-jaqty dialog atalǵan zań jobasy naqty mehanizmderimen nazarlaryńyzǵa usynylǵan kezde bastalady. Degenmen, kórip otyrǵanymyzdai, osy alǵashqy kezeńniń ózinde qoǵam men media qaýymdastyqty alańdatatyn negizgi máseleler belgili bolýda», - dep atap ótti D.Abaev.
Máselen, onyń aitýynsha, blogerler mártebesine ózgertý engizý usynysy qoǵamda qyzý talqylanyp jatyr. Sondyqtan, ministr dál osy máseleniń mán-jaiyna toqtala ketýdi jón sanaǵan eken.
«Bul jerde kózdelgeni otandyq blogosferaǵa qatań baqylaý ornatý emes. Óz basym, mundai áreket qoǵam úshin tiimsiz dep sanaimyn.
Biz tujyrymdamada áleýmettik jeliniń belsendi qoldanýshylaryna óz qalaýymen jelilik basylym retinde tirkeýge turý múmkindigin berýdi usynyp otyrmyz. Iaǵni, bul degenimiz olarǵa jańa múmkindik pen quqyq beriledi degen sóz.
Árine, tujyrymdamaǵa qatysty qoǵamdyq pikirtalastyń jandanýy ýákiletti organ retinde bizdi tek qýantady. Ministrlik syndarly usynystardy, onyń ishinde syni pikirlerdi de eskeretin bolady», - dep tolyqtyrdy Dáýren Abaev.
Onyń paiymynsha, búgingi kúnge deiin «ANQA» portalyna naqty usynystar men ideialardyń túspeýi media qaýymdastyq óz bolashaǵyna bei-jai qaraidy degen sóz emes.
«Barshamyzǵa ortaq máselege qatysty usynystaryńyz ben pikirlerińizdi kútemiz (https://legalacts.egov.kz/application/npa/219354/1).», - dep túiindedi ol.
.jpeg)