بلوگەرلەرگە جاڭا مٷمكٸندٸك پەن قۇقىق بەرٸلەدٸ – دەۋرەن اباەۆ

«ەكٸ اپتا بۇرىن «اشىق نورماتيۆتٸك قۇقىقتىق اكتٸلەر» پورتالىنا «اقپارات جەنە كوممۋنيكاتسييالار مەسەلەلەرٸ بويىنشا قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تولىقتىرۋلار مەن ٶزگەرتۋلەر ەنگٸزۋ تۋرالى» زاڭ جوباسىنا قاتىستى تۇجىرىمدامانى ورنالاستىرعانىمىزدى بٸلەسٸزدەر.

بۇل وسى سالانى دامىتۋدىڭ كٶكەيكەستٸ مەسەلەلەرٸ بويىنشا ٶزارا پٸكٸر, يدەيا الماسۋ ٷشٸن جاسالعان قادام بولاتىن.

ەرينە, جان-جاقتى ديالوگ اتالعان زاڭ جوباسى ناقتى مەحانيزمدەرٸمەن نازارلارىڭىزعا ۇسىنىلعان كەزدە باستالادى. دەگەنمەن, كٶرٸپ وتىرعانىمىزداي, وسى العاشقى كەزەڭنٸڭ ٶزٸندە قوعام مەن مەديا قاۋىمداستىقتى الاڭداتاتىن نەگٸزگٸ مەسەلەلەر بەلگٸلٸ بولۋدا», - دەپ اتاپ ٶتتٸ د.اباەۆ.

مەسەلەن, ونىڭ ايتۋىنشا, بلوگەرلەر مەرتەبەسٸنە ٶزگەرتۋ ەنگٸزۋ ۇسىنىسى قوعامدا قىزۋ تالقىلانىپ جاتىر. سوندىقتان, مينيستر دەل وسى مەسەلەنٸڭ مەن-جايىنا توقتالا كەتۋدٸ جٶن ساناعان ەكەن.

«بۇل جەردە كٶزدەلگەنٸ وتاندىق بلوگوسفەراعا قاتاڭ باقىلاۋ ورناتۋ ەمەس. ٶز باسىم, مۇنداي ەرەكەت قوعام ٷشٸن تيٸمسٸز دەپ سانايمىن.

بٸز تۇجىرىمدامادا ەلەۋمەتتٸك جەلٸنٸڭ بەلسەندٸ قولدانۋشىلارىنا ٶز قالاۋىمەن جەلٸلٸك باسىلىم رەتٸندە تٸركەۋگە تۇرۋ مٷمكٸندٸگٸن بەرۋدٸ ۇسىنىپ وتىرمىز. ياعني, بۇل دەگەنٸمٸز ولارعا جاڭا مٷمكٸندٸك پەن قۇقىق بەرٸلەدٸ دەگەن سٶز.

ەرينە, تۇجىرىمداماعا قاتىستى قوعامدىق پٸكٸرتالاستىڭ جاندانۋى ۋەكٸلەتتٸ ورگان رەتٸندە بٸزدٸ تەك قۋانتادى. مينيسترلٸك سىندارلى ۇسىنىستاردى, ونىڭ ٸشٸندە سىني پٸكٸرلەردٸ دە ەسكەرەتٸن بولادى», - دەپ تولىقتىردى دەۋرەن اباەۆ.

ونىڭ پايىمىنشا, بٷگٸنگٸ كٷنگە دەيٸن «انقا» پورتالىنا ناقتى ۇسىنىستار مەن يدەيالاردىڭ تٷسپەۋٸ مەديا قاۋىمداستىق ٶز بولاشاعىنا بەي-جاي قارايدى دەگەن سٶز ەمەس.

«بارشامىزعا ورتاق مەسەلەگە قاتىستى ۇسىنىستارىڭىز بەن پٸكٸرلەرٸڭٸزدٸ كٷتەمٸز (https://legalacts.egov.kz/application/npa/219354/1).», - دەپ تٷيٸندەدٸ ول.