Batys Qazaqstan oblysynda biyl 137 adam koronavirýstan kóz jumdy, dep habarlaidy "Ult aqparat".
BQO Densaýlyq saqtaý basqarmasy basshysynyń mindetin atqarýshy Arman Qalibekovtiń málim etkenindei, koronavirýstan ólim jaǵdailarynyń 28-i – qańtarda, 15-i – aqpanda, 30-y – naýryzda, 42-si – sáýirde, 20-sy mamyr aiynda tirkeldi.
Qaitys bolǵandardyń 73-i (53,3 paiyzy) – áielder, 64-i (46,7 paiyzy) – er adamdar. Olardyń 121-i (88,3 paiyzy) qala, 16-sy (11,7 paiyzy) aýdandar turǵyndary. 70 paiyzy – 65-ten asqandar, 29 paiyzy – 40-65 jas aralyǵyndaǵylar, bireýiniń jasy qyryqqa jetpegen. 98 paiyzynda (129) sozylmaly dertteri boldy, sonyń ishinde 69 paiyzy júrek-qan tamyrlary, 13 paiyzy qant diabeti, 19 paiyzy basqa aýrýǵa shaldyqqan.
Arman Talǵatulynyń sózine qaraǵanda, osy kezge deiin oblysta 20768 adam indet juqtyrsa, sonyń 16187-si jazylyp shyqty. Qaitys bolǵandardyń jalpy sany 303-ke jetti.
«Qazirgi ýaqytta 195 tósektik 4 karantindik statsionarda 11 naýqas emdelýde.
1123 tósektik 18 infektsiialyq statsionarda 518 adam em qabyldaýda. Qańtar aiynyń ortasynan bastap infektsiialyq statsionarlardyń tolýy 53 paiyzǵa ósken. Qazirgi tańda 29 naýqas jansaqtaý bóliminde bolsa, sonyń ekeýi – 50-ge deiingiler, 8-i – 50-60, 13-i – 60-80 jas aralyǵyndaǵylar, altaýy – seksennen asqandar. 26 naýqastyń 23-i júrek-qan tamyrlary aýrýlary, úsheýi qant diabetine shaldyqqan», dedi Qalibekov.
