باتىس قازاقستان وبلىسىندا بيىل 137 ادام كوروناۆيرۋستان كٶز جۇمدى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ارمان قاليبەكوۆتٸڭ مەلٸم ەتكەنٸندەي, كوروناۆيرۋستان ٶلٸم جاعدايلارىنىڭ 28-ٸ – قاڭتاردا, 15-ٸ – اقپاندا, 30-ى – ناۋرىزدا, 42-سٸ – سەۋٸردە, 20-سى مامىر ايىندا تٸركەلدٸ.
قايتىس بولعانداردىڭ 73-ٸ (53,3 پايىزى) – ەيەلدەر, 64-ٸ (46,7 پايىزى) – ەر ادامدار. ولاردىڭ 121-ٸ (88,3 پايىزى) قالا, 16-سى (11,7 پايىزى) اۋداندار تۇرعىندارى. 70 پايىزى – 65-تەن اسقاندار, 29 پايىزى – 40-65 جاس ارالىعىنداعىلار, بٸرەۋٸنٸڭ جاسى قىرىققا جەتپەگەن. 98 پايىزىندا (129) سوزىلمالى دەرتتەرٸ بولدى, سونىڭ ٸشٸندە 69 پايىزى جٷرەك-قان تامىرلارى, 13 پايىزى قانت ديابەتٸ, 19 پايىزى باسقا اۋرۋعا شالدىققان.
ارمان تالعاتۇلىنىڭ سٶزٸنە قاراعاندا, وسى كەزگە دەيٸن وبلىستا 20768 ادام ٸندەت جۇقتىرسا, سونىڭ 16187-سٸ جازىلىپ شىقتى. قايتىس بولعانداردىڭ جالپى سانى 303-كە جەتتٸ.
«قازٸرگٸ ۋاقىتتا 195 تٶسەكتٸك 4 كارانتيندٸك ستاتسيوناردا 11 ناۋقاس ەمدەلۋدە.
1123 تٶسەكتٸك 18 ينفەكتسييالىق ستاتسيوناردا 518 ادام ەم قابىلداۋدا. قاڭتار ايىنىڭ ورتاسىنان باستاپ ينفەكتسييالىق ستاتسيونارلاردىڭ تولۋى 53 پايىزعا ٶسكەن. قازٸرگٸ تاڭدا 29 ناۋقاس جانساقتاۋ بٶلٸمٸندە بولسا, سونىڭ ەكەۋٸ – 50-گە دەيٸنگٸلەر, 8-ٸ – 50-60, 13-ٸ – 60-80 جاس ارالىعىنداعىلار, التاۋى – سەكسەننەن اسقاندار. 26 ناۋقاستىڭ 23-ٸ جٷرەك-قان تامىرلارى اۋرۋلارى, ٷشەۋٸ قانت ديابەتٸنە شالدىققان», دەدٸ قاليبەكوۆ.
