Batys Qazaqstan oblysynda koronavirýs juqtyrǵandar sany myńǵa jýyqtady, dep habarlaidy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, óńirde epidemiologiialyq ahýal turaqsyz bolyp otyr.
Oblysta koronavirýs juqpasymen 991 adam tirkelse, sonyń 48-i – bala.
Oral qalasynda 834 adamnyń aýyrǵany belgili bolsa, sondai-aq aýdandardyń barlyǵynda koronavirýs juqtyrǵandar anyqtaldy. Aýdandar boiynsha eń kóbi qalaǵa irgeles Báiterek aýdanynda – 44. Sondai-aq Tasqalada – 30, Terektide – 20, Bórlide – 17, Syrymda – 16, Jánibekte – 12, Aqjaiyq pen Jańaqalada – 5, Bókei ordasynda – 3, Qaratóbe men Shyńǵyrlaýda – 2, Qaztalovta 1 adam tirkeldi.
15 maýsym kúni anyqtalǵan 24 naýqastyń (ósim – 2,5 paiyz) 9-y – buryn koronavirýs juqtyrǵandarmen bailanysta bolǵandar. 15-inen epidemiologiialyq kórsetkish boiynsha synama alynǵan. Sońǵy aýyrǵandardyń 15-i – Oral qalasynyń turǵyndary.
«Kúni búginge deiin oblysta 566 adam jazylyp shyqty. Qazirgi tańda 50 adam provizorlyq, 116-sy karantindik statsionarda jatsa, úilerinde oqshaýlanǵan 992 adam dárigerlerdiń baqylaýynda», dep habarlady departamenttiń baspasóz qyzmeti.
