باتىس قازاقستان وبلىسىندا كوروناۆيرۋس جۇقتىرعاندار سانى مىڭعا جۋىقتادى, دەپ حابارلايدى قازاقپارات تٸلشٸسٸ.
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, ٶڭٸردە ەپيدەميولوگييالىق احۋال تۇراقسىز بولىپ وتىر.
وبلىستا كوروناۆيرۋس جۇقپاسىمەن 991 ادام تٸركەلسە, سونىڭ 48-ٸ – بالا.
ورال قالاسىندا 834 ادامنىڭ اۋىرعانى بەلگٸلٸ بولسا, سونداي-اق اۋدانداردىڭ بارلىعىندا كوروناۆيرۋس جۇقتىرعاندار انىقتالدى. اۋداندار بويىنشا ەڭ كٶبٸ قالاعا ٸرگەلەس بەيتەرەك اۋدانىندا – 44. سونداي-اق تاسقالادا – 30, تەرەكتٸدە – 20, بٶرلٸدە – 17, سىرىمدا – 16, جەنٸبەكتە – 12, اقجايىق پەن جاڭاقالادا – 5, بٶكەي ورداسىندا – 3, قاراتٶبە مەن شىڭعىرلاۋدا – 2, قازتالوۆتا 1 ادام تٸركەلدٸ.
15 ماۋسىم كٷنٸ انىقتالعان 24 ناۋقاستىڭ (ٶسٸم – 2,5 پايىز) 9-ى – بۇرىن كوروناۆيرۋس جۇقتىرعاندارمەن بايلانىستا بولعاندار. 15-ٸنەن ەپيدەميولوگييالىق كٶرسەتكٸش بويىنشا سىناما الىنعان. سوڭعى اۋىرعانداردىڭ 15-ٸ – ورال قالاسىنىڭ تۇرعىندارى.
«كٷنٸ بٷگٸنگە دەيٸن وبلىستا 566 ادام جازىلىپ شىقتى. قازٸرگٸ تاڭدا 50 ادام پروۆيزورلىق, 116-سى كارانتيندٸك ستاتسيوناردا جاتسا, ٷيلەرٸندە وقشاۋلانعان 992 ادام دەرٸگەرلەردٸڭ باقىلاۋىندا», دەپ حابارلادى دەپارتامەنتتٸڭ باسپاسٶز قىزمەتٸ.
