Batys Qazaqstan oblysynda qańtar aiynyń alǵashqy kúnderi 6 bala koronavirýs juqtyrdy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, óńirde qyrkúiek aiynan beri indet juqtyrǵan 211 bala tirkeldi.
Sonyń ishinde qyrkúiekte – 4, qazanda – 5, qarashada – 102, jeltoqsanda – 78, qańtarda 6 bala aýyrdy. Oǵan qosa 16 balabaqsha tárbielenýshisinen (12-si – qarashada, tórteýi – jeltoqsanda) koronavirýs tabyldy. Indet kózi – otbasy músheleri.
Kúni búginge deiin oblysta 9 367 adam syrqattansa, sonyń 8 096-sy jazylyp shyqty. 169 adam ómirden ótti.
Pnevmoniiaǵa shaldyqqan 151 adam statsionarda, 49-y ambýlatorlyq em aldy. Pnevmoniiadan barlyǵy 239 adam kóz jumdy.
Qazirgi tańda jasandy tynys alý apparatyna – 4, ottegi kontsentratoryna – 4, ortalyqtandyrylǵan ottegi kózine 35 adam qosylǵan.
Juqpaly aýrýlar aýrýhanasynda 174 adam em alyp jatsa, 23 adam karantin statsionarynda. Jansaqtaý bóliminde jatqandar sany ósip, 19-ǵa jetti.
Oblysta 10 zerthana jumys isteidi. Sońǵy táýlikterde 1 408 synama alynyp, zertteý júrgizilgen.
