باتىس قازاقستان وبلىسىندا قاڭتار ايىنىڭ العاشقى كٷندەرٸ 6 بالا كوروناۆيرۋس جۇقتىردى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەنٸندەي, ٶڭٸردە قىركٷيەك ايىنان بەرٸ ٸندەت جۇقتىرعان 211 بالا تٸركەلدٸ.
سونىڭ ٸشٸندە قىركٷيەكتە – 4, قازاندا – 5, قاراشادا – 102, جەلتوقساندا – 78, قاڭتاردا 6 بالا اۋىردى. وعان قوسا 16 بالاباقشا تەربيەلەنۋشٸسٸنەن (12-سٸ – قاراشادا, تٶرتەۋٸ – جەلتوقساندا) كوروناۆيرۋس تابىلدى. ٸندەت كٶزٸ – وتباسى مٷشەلەرٸ.
كٷنٸ بٷگٸنگە دەيٸن وبلىستا 9 367 ادام سىرقاتتانسا, سونىڭ 8 096-سى جازىلىپ شىقتى. 169 ادام ٶمٸردەن ٶتتٸ.
پنەۆمونيياعا شالدىققان 151 ادام ستاتسيوناردا, 49-ى امبۋلاتورلىق ەم الدى. پنەۆمونييادان بارلىعى 239 ادام كٶز جۇمدى.
قازٸرگٸ تاڭدا جاساندى تىنىس الۋ اپپاراتىنا – 4, وتتەگٸ كونتسەنتراتورىنا – 4, ورتالىقتاندىرىلعان وتتەگٸ كٶزٸنە 35 ادام قوسىلعان.
جۇقپالى اۋرۋلار اۋرۋحاناسىندا 174 ادام ەم الىپ جاتسا, 23 ادام كارانتين ستاتسيونارىندا. جانساقتاۋ بٶلٸمٸندە جاتقاندار سانى ٶسٸپ, 19-عا جەتتٸ.
وبلىستا 10 زەرتحانا جۇمىس ٸستەيدٸ. سوڭعى تەۋلٸكتەردە 1 408 سىناما الىنىپ, زەرتتەۋ جٷرگٸزٸلگەن.
