BQO ákiminiń orynbasary Aidar Nuraliev pen bas memlekettik sanitar dárigeri Muhamǵali Aryspaev alǵashqylardyń qatarynda koronavirýsqa qarsy ekpe saldyrdy, dep habarlaidy "Ult aqparat".
Bir ampýla bes adamǵa eseptelgendikten, qaladaǵy №1 emhanada M.Aryspaev jáne A.Nuralievpen birge úsh meditsina qyzmetkeri ekpe saldyrdy.
Olardyń ekeýi oblystyq juqpaly aýrýlar aýrýhanasyna qyzmetke barady. Bireýi adamdardy súzgiden ótkizetin jerde jumys isteidi.
Oblys ákiminiń orynbasary Aidar Nuraliev adam óziniń ómirine senimdi bolýy úshin synnan ótken vaktsinadan qoryqpaý qajettigin jetkizdi.
M.Aryspaev indetti jeńý úshin óńir turǵyndarynyń basym kópshiligi ekpe saldyrýy, sonymen qatar adamdardyń sanitarlyq talaptardy múltiksiz saqtaýy kerektigin atap ótti.
Búginnen bastap emhanalardaǵy 26 ekpe pýnktinde reseilik «Spýtnik V» vaktsinasy egilýde. 15 aqpannan bastap Qaraǵandy farmatsevtikalyq kesheni negizinde shyǵarylǵan Gam-COVID-Vak vaktsinasy qosylady. Al biylǵy ekinshi toqsannan bastap otandyq QazCovid-In preparatyn iske qosý kózdelýde.
